Baso
Baso mangrupa angeun nu dibukuran emih atawa mihun maké daging baruleud sagedé-gedé kaléci[1]. Baso téh asalna ti Tiongkok.[1] Baso miboga bahan dasar daging nu dicincang tuluy dicampurkeun jeung aci.[2] Biasana dipidangkeun maké saos, kécap, jeung sambel.[3] Baso téh mangrupa salah sahiji kadaharan nu ngandung protein.[2] Baso dipikaresep pisan ku balaréa, utamana mah ku awéwé, ku sabab baso nu maké saos, sambel jeung kécap kacida segerna.[3] Baso biasana dijual maké gorobag surung atawa aya ogé ditempat nu matuh.[3] Hargana kahontal ku balaréa, ku sabab kitu baso téh geus jadi kadaharan sapopoé masarakat Indonésia.[3]
Cara nyieun
éditPikeun nyieun baso téh, sadiakeun bahan-baanna, saperti daging sapi, tipung aci, baking soda, jeung endog katut ditambahan es batu[3]. Pikeun bungbuna, lemeskeun bawang beureum, bawang bodas, uyah jeung pécin saperluna nepi ka karasa pas, gumantung kana kahayang, bisa ogé ditambahan pedes saperluna.[3]
Prak-prakan nyieun basona mah, campurkeun daging sapi, tipung aci jeung baking soda, endog sarta bungbu anu geus dilemeskeun, tuluy giling nepi ka lemes, bari ngagiling tambahan ku és batu saeutik-saeutik nepi kalemes tuluy rawatan.[3] Taheurkeun cai dina panci nepi ka ngagolak, tuluy adonan baso nu tadi dibuleud-buleudkeun sakahayang tuluy asupkeun kana cai anu ngagolak téa, tungguan nepi ka basona ngararambang tuluy jait, tiiskeun.[3] Bahan-bahan pikeun ngabungbuan cai basona nyaéta cai saperluna (ci kaldu tulang sapi),1 sdt pedes, bawang bodas, pécin, uyah saperluna.[3] Kabéh bahan-bahan nu tadi dilemeskeun tuluy tumis maké minyak saeutik nepi ka seungit tuluy tambahkeun ka cai atawa kaldu sapi anu geus ngagolak saméméhna pamungkas asupkeun baso[3]. Sabada éta siapkeun mangkok sarta mie konéng, soun atawa bihun, sosin tuluy asupkeun baso jeung caina, tong poho tambahan ku saos,kecap jeung sambel[3]
Rujukan
édit- ↑ a b Danadibrata, R.A. (2006). Kamus Basa Sunda R.A. Danadibrata. Bandung: Kiblat Buku Utama. p. 69. ISBN 9793631937.
- ↑ a b Repository UGM. Bakso Diaksés ping 16 Oktober 2017.
- ↑ a b c d e f g h i j k "resepmasakanindonesia.info - Resources and Information.". resepmasakanindonesia.info. Diakses tanggal 2017-10-16. Archived 2016-07-09 di Wayback Machine
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |