Basra
Basra, atanapi Bashrah (Basa Arab: ٱلْبَصْرَة, al-Bashrah), nyaéta kota jeung palabuhan (pop. 2024: 1.485.000)[1] di kiduleun wétan Irak.[2] Kota ieu perenahna di hulu walungan Syath al-Arab, leuwih kurang 70 mil (110 km) hilir ti Teluk Pérsia. Diadegkeun dina taun 638 M, Basra jadi kawéntar di jaman Dinasti Abbasiyah; dina carita Sarébu Hiji Peuting, kota ieu téh tempat Sindbad si Palaut ngamimitian palayaranana.[2]
Dina abad ka-17 nepi ka ka-18, Basra jadi puseur dagang.[2] Kota sareng palabuhan ieu dikawasaan ku Britania nalika Perang Dunya I (1914–18), sareng ngalaman loba kamajuan tur ningkat pentingna. Sanggeus Perang Dunya II (1939–45), ngembangna industri minyak Irak ngajantenkeun Basra janten puseur panyulingan anu utama.[2] Kota ieu ngalaman karuksakan parna dina Perang Iran-Irak (1980–88) sareng Perang Teluk Pérsia (1990–91), sarta dina awal abad ka-21, Basra jadi tempat tarung salila Perang Irak (2003-11).[2]
Dina April 2017, Parlemén Irak ngakuan Basra salaku ibukota ékonomi Irak.[3]
Rujukan
édit- ↑ "Basra, Iraq Metro Area Population 1950-2024". www.macrotrends.net. Diakses tanggal 2024-08-24.
- ↑ a b c d e "Al-Baṣrah summary | Britannica". www.britannica.com. Diakses tanggal 2024-08-24.
- ↑ Walter. "Iraqi parliament recognizes Basra as economic capital". Search 4 Dinar. Diakses tanggal 2024-08-25.