Blogger
Blogger teh salah sahiji layanan publikasi blog nu ditaratas ku Pyra Labs jeung diakuisisi ku Google dina taun 2003. Sacara umum, blog anu dikokolakeun ku Google aya dina subdomain blogspot.com. Blogger ngamungkinkeun pamaké pikeun nyebarkeun blogna dina server séjén ngaliwatan FTP nepi ka 1 Méi 2010. Ti harita, sakabéh blog kudu disimpen dina server Google, sanajan kitu, pamaké bisa ngagunakeun alamat loka sorangan ngaliwatan Custom URL.[2]
 | |
pamedal blog | |
| URL | blogger.com |
|---|---|
| Komérsial? | Sumuhun |
| Rupa | Layanan publikasi blog |
| Régistrasi | Haratis |
| Nu mibanda | |
| Nu nyieun | Pyra Labs |
| Mimiti | 23 Agustus 1999 |
| Réngking Alexa |  56 ()[1] |
| Status | Aktif |
Sajarah
éditDina 23 Agustus 1999, Blogger mimiti dipedalkeun ku Pyra Labs. Minangka salah sahiji pakakas publikasi blog pangheulana di dunya, Blogger boga peran dina mopulerkeun format blog di dunya. Dina Fébruari 2003, Pyra Labs ieu dialihkokolakeun ku Google, ngajadikeun sababaraha fitur premium Blogger anu saméméhna dikomersilkeun ku Pyra Labs jadi layanan anu sapinuhna haratis. Dina Oktober 2004, salah saurang nu ngadegkeun Pyra Labs, Evan Williams, undur diri ti Google.
Dina taun 2004, Google meuli Picasa anu satuluyna diadumaniskeun jeung Blogger antukna pamaké Picasa bisa nyebarkeun kumpulan potona ngaliwatan loka blogna.
Dina 9 Méi 2004, Blogger ngawanohkeun sababaraha parobahan utama dina sistem publikasi blogna, nambahan fitur saperti témplat nu minuhan standar web, kaca arsip mandiri pikeun unggal postingan jeung koméntar, kitu ogé fitur posting ngaliwatan email.
Dina 14 Agustus 2006, Blogger ngaluarkeun vérsi panganyarna dina hambalan béta, kode-ngaranna "Invader". Ieu versi panganyarna téh mindahkeun pamake Blogger kana server milik Google jeung nambahkeun sababaraha fitur anyar. Dina bulan Désémber 2006, ieu vérsi anyar téh kaluar tina tahap béta. Dina Méi 2007, Blogger kakara réngsé mindahkeun sakabéh data pamaké kana server Google.
Ngarancang Deui
éditSalaku bagian tina ngararancang deui Blogger dina taun 2006, sakumna blog nu aya di Blogger hijrah ka server Google. Blogger ngakukeun yén ku ayana éta migrasi, maranéhna bisa ngaladenan pamake kalayan leuwih stabil alatan kualitas server Google leuwih hadé batan nu saméméhna.[3]
Bareng jeung migrasina Blogger kana server Google server, sababaraha fitur anyar diwanohkeun, ngawengku manajemén label, interface tata perenah témplat ku cara nyered-jeung-nempatkeun (drag-and-drop), idin nu maca blog (pikeun nyieun blog-blog pribadi) jeung opsi eupan wéb anyar. Satuluyna, ayeuna mah unggal blog dikiwarikeun kalayan dinamis, béda jeung saméméhna nu unggal postingan atawa pairan anyar téh diolah ku cara nulis deui berkas HTML.
Dina September 2009, Google ngawanohkeun fitur anyar minangka bagian tina ngareuah-reuah tepung tauna nu kasapuluh. Fitur kasebut di antarana pidangan anyar pikeun nulis postingan, panyampurnaan pangokola gambar, jeung terapan nu dasarna Google Docs, kayaning:
- Nambahan lokasi nulis dina postingan.
- Titimangsa tulisan anu ditangtukeun dina waktu medalkeun, lain waktu pabrik.
- Ngarobah link di mode tulisan (Nyusun mode).
- Full service pikeun Safari 3.
- Pidangan sawangan nu mintonkeun posting kalayan taksiran rubak tulisan jeung ukuran aksara lamun tulisan ieu dipedalkeun.
- Toolbar anyar kalayan pintonan has Google, waktu pulut nu leuwih gancang, jeung tombol Undo jeung Redo.
Dina taun 2010, Blogger ngawanohkeun témplat anyar jeung ngaropéa deui lokana.
Dina taun 2013, Blogger ngiwarikeun fitur-fiturna. Salah sahijina téh koméntar jeung integrasi dina google+, aya sababaraha fitur anyar :
- désain antarmuka nu dikiwarikeun dina taun 2012
- Intergrasi langsung reujeung google adsense, taun 2012
- Integrasi jeung google+ dina kotak komentar jeung postingan, taun 2013
- Fitur témplat seluler nu méré kamampuh ka pamake pikeun ngarancang atawa milih désain témplat nu disaluyukeun ( responsif ) pikeun pidangan dina telepon Seluler atawa Gadget.
Integrasi
édit- Papan pidangan Google geus fitur "BlogThis!" nu ngidinan toolbar pamaké kalayan boga akun Blogger pikeun nuliskeun panumbu langsung kana blog maranéhanana.
- Blogger ngaladenan Google AdSense salaku cara pikeun nu boga blog sangkan meunang panghasilan tina blog maranéhanana.
- Blogger nawarkeun ladenan Google Adwords salaku cara pikeun mromosikeun blog anyar.
- Blogger nawarkeun rojongan blog multi-pangarang, nu ngamungkinkeun pamaké pikeun nyieun blog reréongan (group blog).
- Blogger nawarkeun fitur ngarobah témplat, nu ngidinan pamaké pikeun ngarobah désain témplat blog sakahayangna. Pikeun pamake anu boga kamampuh pamrograman atawa pamahaman kana kode CSS, fitur ieu pohara kapakéna sabab ngamungkinkeun maranéhna pikeun ngarancang wangun jeung rupa blog-na sorangan, di antarana ku cara nambahan menu jeung kolom.
- Blogger bisa langsung nyambung kana google+ anu bisa nandaan (tagging) babaturan jeung ngabagikeun sacaralangsung reujeung maranéhna.
Tempo ogé
édit- Drupal
- Joomla
- Ifuntastic
- VBulletin
- Moodle
Rujukan
édit- ↑ "Blogspot.com Site Info". Alexa Internet. Diakses tanggal 2016-10-03. Archived 2016-11-12 di Wayback Machine
- ↑ Blogger Buzz: Important Note to FTP Users
- ↑ Blogger Buzz: The New Version of Blogger