Cadas Pangéran
 |
Artikel atawa bagian artikel ieu butuh leuwih loba réferénsi sangkan pasti. Mangga bantos ngédit artikel ieu kalawan nambihkeun réferénsi. Tag ieu dibéré dina Pébruari 2016 |
Cadas Pangeran mangrupa jalan raya sapanjang tilu kilométer nu nyambungkeun daérah Sumedang jeung daérah Bandung nu diwangun ku Gubernur Jenderal Herman Willem Daendels (1808-1811) dina taun 1809.[1] Peristiwa Cadas Pangeran ieu bisa dihartikeun minangka hiji perlawanan simbolik atawa protés ti Bupati Sumedang jaman harita nyaéta Pangeran Kusumadinata IX (1791 – 1828), kana ambisi Gubernur Jendral Herman Willem Daendels nu boga niat hayang nyieun jalan ti Anyer ka Panarukan.[2] Pangeran Kusumadinata IX atawa nu leuwih kasohor ku ngaran Pangéran Kornél ambek pisan ningali rahayatna diperlakukeun samena-mena ku Daendels.[1][3]
Sakumaha nu dipercaya ku masarakat Sumedang, kajadian Cadas Pangéran dimimitian ku ayana pertemuan antara Pangéran Kusumadinata IX jeung Gubernur Daendels di tengah-tengah prosés pangwangunan éta jalan raya.[1] Kacaritakeun, Pangeran Kusumadinata IX sasalaman jeung Gubernur Daendels maké leungeun kénca sedengkeun leungeun katuhuna dipaké nyekelan keris.[1]
Adegan héroik éta diabadikeun sacara visual dina patung nu aya di pertengahan jalur Bandung-Sumedang.[rujukan?] Kajadian éta ogé nu ngalantarankeun jalan éta dingaranan Cadas Pangéran.[rujukan?] Cadas sorangan ngaréfléksikeun watek heuras nu siga cadas atawa batu ti Pangéran Sumedang, ogé lantaran kawasanna nu miboga aréal nu pinuh ku batu/cadas.[1]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Rujukan
édit- ↑ a b c d e Peristiwa Cadas Pangeran, Sebuah Perlawanan Archived 2014-03-03 di Wayback Machine (id) (Diakses tanggal 27 April 2015)
- ↑ Keris Nagasara Saksi Bisu Peristiwa Archived 2014-03-03 di Wayback Machine (id) (Diakses tanggal 27 April 2015)
- ↑ Sejarah di Balik Curamnya Cadas Pangeran Archived 2015-04-26 di Wayback Machine (id) (Diakses tanggal 27 April 2015)