Cakrawarman
Cakrawarman nyaéta panglima perang sarta mahamantri Karajaan Tarumanagara mangsa pamaréntahan Maharaja Purnawarman. Loba meunang dina perang mangsa Purnawarman ngalegaan daérah kakawasaanana. Dipercaya ngawakilan Purnawarman dina upacara resmi. Lamun Purnawarman aya halangan, saperti dina upacara salametan sanggeus réngsé meneran alur walungan Sarasah atawa Manukrawa anu lumangsung ti tanggal 11 parogelap bulan Kartika nepi ka tanggal 14 parogelap bulan Margasira taun335 S (17 Nopémber 412-7 Januari 413 M).
Manéhna jadi jelema kadua sanggeus raja, lébér wiwaha, gedé pangaruhna di satungkebing wewengkon Tarumanagara. Nurutkeun naskah Pustaka Rajya-rajya i Bhumi Nusantara karya Tim panitia Naskah Pangeran Wangsakerta, nalika Wisnuwarman, anak Purnawarman, ngaganti bapana salaku raja, Cakrawarman - anu nganggap dirina leuwih patut jadi raja - ngabaruntak sarta ngalibetkeun sababaraha raja bawahan lianna. éta Pemberontakan téh lumangsung salila 28 poé, ti tanggal 14 parogelap bulan Asuji nepi ka tanggal 11 parogelap bulan Kartika taun350 S (21 Oktober-18 Nop. 437 M).
|
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Rujukan
édit- Ensiklopedi Sunda: Alam, Manusa, Budaya (Rosidi, dkk: 2000)