Chariang
Aglaonema commutatum2.jpg
Aglaonema commutatum
Klasifikasi ilmiah
Karajaan:
Divisi:
Kelas:
Ordo:
Kulawarga:
Génus:
Aglaonema

Spesies

Lihat teks.

Chariang; (aglaonema simplex) nyaéta tatangkalan nuasalna tina kulawarga Araceae.[1] Genus Aglaonema kalayan mibanda 30 spesies.[1] Chariang hirup kalawan subur di tempat nu kaayaana 700 méter dpl tur teu kahieuman, dina taneuh jemlék tur ngeprul.[2] Chariang loba kapanggih dimangpaatkeun keur papaés buruan, ditunda dina pot atawa jadi pager hirup.[2] Kiwari chariang loba dijadikeun kembang nu loba wandana hasil tina kawin silang nu dijual beulikeun kalawan harga nu lumayan mahal, gumantung kana kaayaan tur kaséhatan tangkalna.[2]


Ciri mandiriÉdit

Daun chariang rupa-rupa wujudna, aya nu lonyod, lanset, kawas daun écéng, aya ogé nu panjang.[2] Panjangna kurang leuwih 10-45 cm, kelir dauna héjo paselang jeung totol-totol bodas.[2] Tangkal na katutup palapah daun, katémbong dimana umurna geus manjing ka kolot atawa jangkung kulantaran daun kolotna lalésotan.[2] Bonggol atawa beutina ka karimunan ku akarna, panjang kurang leuwih 1-5 cm.[2] Beuki panjang beuti chariang, beki loba anak tangkal cariang nu bisa direkahkeun.[2] Kembang chariang lonyod semu méncos, panjangna 8-10 cm.[2] Kelirna bodas, bijil tina sela-sela palapah daun.[2]


Spesies alamÉdit

Aya sababaraha rupa spésiés chariang (aglonema) nu aya di alam liar:

  1. Aglonema commutatum
  2. Aglonema pictum
  3. Aglonema modestum
  4. Aglonema ovatum

Ieu spesies alam mangrupakeun bibit buit tina Aglonema hibrida, nu kiwari loba dijual beulikeun.[2]

Dicutat tinaÉdit

  1. a b Rigg, Jonathan. A Dictionary of the Sunda Language of Java. Universitas Harvard1862: Bataviaasch Genootschap van Kunsten en Wetenschappen. Diakses tanggal 29 Nopémber 2019. 
  2. a b c d e f g h i j k Junaedhie, Kurniawan. Panduan Praktis Perawatan Aglaonema. Jakarta2000: AgroMedia. ISBN 9789790060111. Diakses tanggal 29 Nopember 2019.