Ciburial cimalaka sumedang

Artikel ieu perlu dirapihkeun sangkan luyu jeung baku artikel Wikipédia. Ngarapihkeun artikel bisa mangrupa ngabagi artikel kana paragraf atawa ngawikifikasi artikel. Sanggeus dirapihkeun, Anjeun bisa ngahapus ieu talatah.

kapungkur mah sok dipelakan lauk, pa olot nu gaduhna, abdi emut mun ngabedahkeun téh salembur mani guyur, sabab éta balong téh sok dipaké marandi salembur, sabab caina herang ngagenclang, aya ci nyusuan, saur sepuh pun uyut almarhum, éta cai téh mimiti bijilna ngaburial téh ngabeledug, duka taun sabaraha, teras weh ngagugulak aya cai anu kacida herangna, teras weh jadi balong anu nyaian sawah kakurilingna.

Tepatna di désa Cimalaka Kacamatan Cimalaka (kapungkur) ayeuna nuju dicatet ieu tos janten désa Licin kalebetna, kacamatan masih Cimalaka, kabupatén Sumedang. Saluhureun balong aya jalan lebet mobil, anu di luhureun éta jalan aya pasir atawa bukit leutik anu pinuh ku tangkal pines, paranti barudak sakola, pramuka kemah. teras kabelah dituna aya makam kampung margamukti, atawa kampung garogol. Anu kapalih wetanna jalan teras ka lembur manala herang, lemburna kang ibing anu nelah si kabayan. Jalan anu nembus ka palih kulon ka lebur Licin dugi ka Cimalaka.

Caina herang kacida mun lauk dipelak di wilayah cai éta tangtu bakal seungit tur pelem. Ayeuna caina parantos rada orot ku lantaran hutan tur gunung Tampomas parantos diruksak diacak-acak keusikna diakutan ka kota tapi leuweungna teu dipelakan deui. teu dipaliara sukumaha mistina. Jalan jadi ruksa kebul di mana-mana, kacida ngarang ranganana téh nyaan ceuk uga (Sumedang ngarang-rangan). Baheula mah mun ka kebon téh bisa gogoleran di jalan raya hanapeun tangkal mahoni bari mawa ketepel mun lapar nemak manuk terus dibeuleum, nyaan surgana téh di suku gunung Tampomas teh, ari ayeuna kiwari tinggal rang rangna wungkul.