Curug Cibareubeuy
Curug Cibareubeuy atawa aya ogé nu nyebut curug Cibareuhbeuy jangkungna 40 méter anu di handapna aya kulah leutik anu nampung cai curugna[1]. Suhu hawa rata-ratana nyaéta 26 darajat C, anu curah hujanna kurang leuwih 2000 mm/th anu tingkat kelembabanana rata-rata 60%[1]. Sacara wilayah nu ngokolakeun leuweung Curug Cibareubeuy anu kaasup kana petak 4 RPH Gn.Karamat BKPH Cisalak KPH Bandung Utara Perum Perhutani Unit III Jawa Barat jeung Banten[1]. Curug cibareuhbeuy jarakna 5 km ti Desa Cibeusi, anu babagianana supaya bisa nepi ka curug ieu kudu ngaliwatan désa cibeusi anu jauhna 3 km ti jalan gedé nepi ka gerbangna anu jajalaneunana geus di aspal[1]. Tuluy ti gerbang ka jerona leumpang deui ngaliwatan jalan satapak anu jauhna 2 km[1]. Luyu jeung ngaranna daya irut nu pangutamana di tempat Wisata Curug Cibareubeuy ieu nya éya curug anu jangkungna 40 méter[2]. Wisatawan bisa nyo'o cai jeung ngeueum di kulah leutik anu nampung cai curugna[2]. Aya ogé daya irut séjénna anu aya di deukeuteun curug Cibareubey nyaéta ayana Situs Purbakala anu jumlahna aya opat rupa, aréal Bumi Perkemahan jeung Hutan Pineus[2]. Lian ti anu geus disebutkeun saméméhna di daérah curug Cibareubeuy gé nyaéta loba patani gula arén anu bisa diasaan di ditu[2].
Referensi
édit- ↑ a b c d e Curug Cibareuhbeuy - Subang Archived 2011-07-07 di Wayback Machine(diakses 10 November 2011)
- ↑ a b c d Curug Cibareuhbeuy Archived 2016-03-05 di Wayback Machine(diakses 17 November 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |