David Copperfield (ilusionis)
David Seth Kotkin atawa anu kasohor David Copperfield nyaéta pesulap, jeung ilusionis anu lahir tanggal 16 Séptémber 1956 di Metuchen, New Jersey, Amerika Serikat[1]. David Copperfield kasohor ku aksina anu ngaleungitkeun Patung Liberty, hiber di Luhur Grand Canyon, kabur ti penjara Alcatraz]], jeung leumpang nembus Témbok Besar Cina[1]. Aksi sulap pertamana nyaéta di kota asalna nalika umurna 12 taun, kamampuh sulapna ngaronjat pisan, malah mah nalika umur 16 taun, David kungsi ngalatih sulap di Universitas New York[2]. Bapana Copperfield ngaranna Hyman Kotkin alias Hy anu maot dina bulan Pébruari 2006 di San Diego, Kalifornia[1]. Hy sok maturan David nalika tur kuriling dunya, David sorangan nyieun situs web remember Hy pikeun mieling Bapana[1].
.jpg)
David minton di gedung-gedung téater jeung TV dina taun 70an, taun 1978, David dibéré acara sorangan anu ngaranna The Magic of David Copperfield[2]. Ieu acara meunang sababaraha panglélér di Amerika[2]. David diebutkeun ilusionis pertama anu bisa hiber teu maké tali[2]. Dina skala anu leuwih leutik, David pernah ngaleungitkeun 13 panongton anu dipilih sacara acak[2]. David Copperfield disebut islusionis pangkasohorna di Jaman ayeuna, taun 2000, ngaranna diabadikeun jadi légénda hirup dina Kongrés pabukon Amérika Serikat[2]. Daya irut universalna ditunjukkeun ku fakta yén David geus muncul dina opat perangko di Opat nagara anu béda[2].
Référénsi
édit- ↑ a b c d Profil David Copperfield (diaksés tanggal 21 Nopémber 2011)
- ↑ a b c d e f g (en)Biografi David Copperfield Archived 2011-02-28 di Wayback Machine (diaksés tanggal 21 Nopémber 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |