Death Note
Déath note (Jepang: デスノート, Desunōto, Catetan maut dina Inggris) nyaéta judul manga sareng anime Jepang anu ditulis ku Tsugumi Ohba tur digambar ku Takeshi Obata[1]. Déath note nyaritakeun hiji rumaja ngaranna Light Yagami anu boga buku supranatural anu disebut déath note[1]. Saha waé anu geus nyekel déath note bakal bisa ningali shinigami (dina basa Indonésia hartina Dewa Kematian)[1]. Saha waé nu ngaranna ditulis dina éta buku bakal paéh[1].
Sinopsis
éditManga
éditLight Yagami nyaéta rumaja anu kalintang jénius tur miboga ambisi pikeun ngabinasakeun sakabéh bentuk kriminalitas nu aya di Dunya[1]. Manéhna nyaéta anakna inspéktur polisi, Soichiro Yagami[1]. Hiji poé manéhna manggih buku anu ngahaja dilabuhkeun ku shinigami (déwa paéh) Ryuk. Pikeun ngalaksanakeun ambisina téa, Light mulai nuliskeun ngaran-ngaran palaku kriminal dina éta buku. Manéhna maké sandiasma KIRA (キラ) pikeun nunjukkeun éksisténsina[2].
Aksi KIRA geus nyieun pro-kontra di Dunya,malah mah geus narik perhatian ICPO jeung hiji detéktip anu ngaranna L[2]. L anu maké sandiasma Ryuzaki ngabantuan polisi Jepang pikeun néwak KIRA[2]. L ngagunakeun taktik anu pinter pikeun néang idéntitas asli KIRA, manéhna bisa nyindekkeun yén KIRA téh aya di Kantou, Jepang, sabab nalika L palsu siaran di TV, harita kénéh paéh alatan serangan jantung[2]. Teu lila, sabada sababaraha invéstigasi, L nyindekkeun yén Light téh KIRA, tapi L can meunang bukti konkrét pikeun ngabuktikeunana[2]. Teu lila muncul KIRA 2 nyaéta Misa Amane, anu ahirna nimbulkeun konflik antara L, Light, jeung Misa. Lantaran kubogoh, Misa Amane ngabantuan Light pikeun maéhan L[2]. Light maké taktik pikeun ngéléhkeun L, anu ahirna L bisa maot[2]. Sanggeus kitu Light nyekel pungsi ganda salaku L jeung KIRA[2].
Wammy House, panti asuhan pikeun barudak panerus L apaleun yén L geus maot[2]. Roger pingpinan panti nugaskeun dua asuhanna anu miboga kapinteran siga L nyaéta Near jeung Mello pikeun néang saha anu maéhan L[2]. Néar jeung Mello boga sipat anu béda, Néar mah leuwih tenang jeung apsip, sedengkeun Mello mah leuwih aktip jeung teu tenang. Néar nyieun tim ngaranna SPK (special Provision for Kira) nyaéta organisasi husus pikeun néwak KIRA[2]. Sedengkeun Mello ngagabung jeung mafia[2]. Najan duanana béda, tapi teu disangka-sangka idéntitas KIRA katut bukti konkrétna bisa dimeunangkeun, najan loba nu kudu dikorbankeun kaasup nyawa Mello sorangan[2]. Ahir caritana, Light salaku L jeung KIRA maot ku Ryuk, shinigamina sorangan sabada ngaranna ditulis di death note[2].