Dukuh

Dukuh
Langsat dina Tangkal
Klasifikasi ilmiah
Karajaan:	Plantae
Divisi:	Magnoliophyta
Kelas:	Magnoliopsida
Ordo:	Sapindales
Kulawarga:	Meliaceae
Génus:	Lansium
Spésiés:	L. domesticum
Ngaran binomial
Lansium domesticum

Dukuh (Lasium domesticum correa)nyaéta ngaran umum tina bungbuahan anggota suku Meliaceae. Tangkal ieu asalna ti Asia Tenggara Tutuwuhan ieu kawentar ogé ku ngaran langsat, kokosan, pisistan, celoring, jeung rupa-rupa variasina. Ngaran-ngaran anu loba kieu nuduhkeun ayana kultivar nu nyangkaruk tina wangun daging jeung tangkal buah anu miboga variasi. Dukuh nyaéta tutuwuhan salaku identitas adalah tumbuhan identitas untuk Provinsi Sumatera Selatan.

Karakteristik

Dukuh boga variasi dina sipat tangkal jeung buahna. Sababaraha ahli aya nu misah-misahkeun dina spésiés séjén. Sacara gurat badag, aya dua kelompok badag buah ieu, nyaéta nu dipikawanoh ku dukuh jeung nu dingaranan langsat. Aya ogé pacampur duanana nu disebut ogé dukuh-langsat, sarta kelompok pamungkas nu aya di Indonésia nyaéta leuwih dipikawanoh ku kokosan.

Kelompok nu dipikawanoh ku sebutan dukuh (L. domesticum var. duku) umumna boga tangkal nu gedé sarta jangkung, padet ku dangdaunan kalawan warna héjo mentrang, sarta watang nu pondok jeung eusina saeutik. Buahna boga buleudan nu badag, buleud, kulitna kandel ogé euweuh getah nalika asak, umumna sikina leutik jeung dagingna kandel, rasana amis atawa haseum sarta seungit.

Langsat (L. domesticum var. domesticum) lolobana tangkalna leuwih kuru, dauna kurang leubeut sarta warnana héjo kolot kalawan cabang tangkal nu nyungjulang. watangna panjang, padet eusi 15-15 siki nu wanguna buleud siga endog sarta gedé-gedé. Langsat kulitna ipis sarta boga getah (bodas) sanajan geus asak. Dagingna loba cai, rasana amis semu haseum. Teu siga dukuh, langsat lain buah nu bisa lila sanggeus dicokot. Dina tilu poé sanggeus diala, kulitna ngahideungan sanajan teu ngarusak amisna.