Eddie Murphy
Edward Regan Murphy atawa leuwih dipikawanoh Eddie Murphy (gumelar di Brooklyn, New York, Amérika Sarikat, 3 April 1961; umur 63 taun)[1].Karir salaku komédian dimimitian nalika lalaki turunan Amerika-Afrika ieu nalika umurna 13 taun, babarengan jeung babaturanana Mitchell Kyser[1].Ti umur 15 taun Eddie geus boga kamampuh dina widang komik jeung nulis[2].Satuluyna nalika umurna 19 taun Eddie ngamimitian aktingna dina serial TV NBC, Saturday Night Live 1975,anu ngabalukarkeun ngaranna jadi komédian anu moyan[1].Murphy dipénta pipirakan ku pamajikanana Nicole Mitchell 17 April 2006[1].Eddie ngaliwatan serial komédi Beverly Hills Cop, Trading Places jeung The Nutty Professor suksés ngahontal nominasi Golden Globe, nalika taun 2007 bisa meunangkeun Golden Globe ngaliwatan aktingna dina film Dréamgirls[1]. Taun 1989 Murphy ngalaman kagagalan dina usahana salaku sutradara Harlem Nights[2]. Sabada sababaraha lila, Murphy balik deui jadi aktor komédi anu parigel jeung bisa mekar leuwih loba ti batan saméméhna nepi ka suksés jadi superstar nalika taun 1980-an.Dina film animasi Shrek,manéhna bisa ngaluarkeun pesona anu dipiboga jeung ngirut panongton kana karakter komédina[2].Tuluy manéhna hadir deui dina Shrek Forever After[2]. Eddie disebut-sebut pernah papacangan jeung Melanie Brown salah sahiji anggota Spice Girls, produser Tracey Edmonds, aktris Halle Berry jeung Tamara Moore nepi ka lahirna Christian Murphy[1].
Referensi
édit- ↑ a b c d e f Eddie Murphy(diakses 3 Desember 2011)
- ↑ a b c d Eddie Murphy Archived 2010-10-11 di Wayback Machine(diakses 3 Desember 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |