Gedung Indonesia Menggugat
Gedung Indonésia Mengugat téh ayana di jalan Perintis Kemerdékaan nomer 5, Kota Bandung, Jawa Barat. Asalna mah imah urang Walanda nu diadegkeun taun 1907, tapi dina taun 1917 robah jadi Landraad (baléwatangan) pamarentah kolonial Walanda.[1]
Taun 1930, Landraad jadi tempat sidang keur para pajoang, di antarana Soekarno, Maskoen, Gatot Mangkoepradja, Soepriadinata, Sastromoeljono, jeung Sartono.[1] Soekarno disidang alatan dituding barontak ka pamaréntah kolonial, tapi Soekarno malah malik ngadakwa ka pamaréntah Walanda nu kajadianana kawentar ku sebutan “Indonésia Menggugat”.[2] Tah, tina kajadian éta nu jadi lantaran kiwari dingaranan Gedung Indonésia Manggugat, nu emprona mah diistrénan taun 2005 ku Gupernur Jawa Barat, HC Mashudi, sanggeus diréhab.
Sabada kamerdikaan GIM sababaraha kali genti paké ku sababaraha lembaga, jadi kantor Palang Merah Indonésia (PMI) nepi taun 1950-an. Ti taun 1950-an nepika taun 1973 jadi Gedung Keuangan, sanggeus éta jadi Kantor Dinas Perdagangan dan Perindustrian Jawa Barat.[1]
Rujukan
édit
- ↑ a b c Okezone. "Gedung Indonesia Menggugat Tempat Soekarno Mendakwa Belanda : Okezone News". https://news.okezone.com/ (dalam id-ID). Diakses tanggal 2019-09-01.
- ↑ Okezone. "Gedung Indonesia Menggugat Tempat Soekarno Mendakwa Belanda : Okezone News". https://news.okezone.com/ (dalam id-ID). Diakses tanggal 2019-09-01.