Gemstar

Gemstar-TV Guide International, Inc. nyaéta hiji pausahaan media nu méré lisensi keur tehnologi guide program interaktif ka operator multikanal, saperti ka provider televisi kabel jeung satelit, katut pabrik elektronika konsumen, video recorder scheduling code kalayan merek kawas VCR Plus, ngaluarkeun majalah TV Guide, ngadistribusikeun TV Guide Network, ngoperasikeun tvguide.com, tur nyadiakeun rupa-rupa layanan nu patali. Pausahaan ieu diwangun nalika Gemstar, (diadegkeun ku Henry Yuen, Daniel Kwoh jeung Wilson Cho), ngahiji jeung TV Guide, Inc., Juli 2000. Taun 2002, Gemstar nyingkabkeun yén $108 juta nu aya dina panghasilan nu dibukukeun geuning euweuh. Yuen dipecat taun 2003. Kapitalisasi pasarna morosot ti $20 miliar taun 2000 jadi leuwih ti $1 miliar taun 2005; sahamna ogé.

Dina 9 Juli 2007, Chairman Gemstar Anthea Disney ngumumkeun yén Badan Direksi geus "mere kawenangan ka Pausahaan jeung panasehatna pikeun maluruh alternatif strategis keur ngamaksimeumkeun ajen keur nu nyekel saham, kaasup ku jalan ngajual Pausahaan." Peta ieu katempo ku lolobana analis minangka tarekah dina bagéan Rupert Murdoch ti News Corp, salah saurang nu nyekel saham 41% di Gemstar, pikeun ningkatkeun duit kontan dina tarekahna keur meuli pausahaan indung The Wall Street Journal Dow Jones.

Dina 7 Desember 2007, Gemstar nanda tangan kasapukan definitif pikeun dicokot ku Macrovision dina tawaran kontan jeung saham, dumasar kana harga panutupan keur saham Macrovision dina 6 Desember 2007, nu ajenna kurang leuwih $2.8 miliar.

Tumbu luar

• Gemstar-TV Guide Intl. official site Archived 2007-06-23 di Wayback Machine

Artikel ngeunaan pausahaan ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.