Gottfried Wilhelm Leibniz
Gottfried Wilhelm Leibniz nyaéta saurang filsuf jeung matématikawan Jerman.[1] Anjeunna dianggap minangka salah saurang filsuf anu boga pangaruh gedé dina abad ka-17 jeung ka-18.[1] Dina umur 15 taun, Wilhelm geus ditarima di Universitas Leipitz dina widang hukum.[1] Tapi, dian dua taun mimiti di éta universitas, Wilhelm leuwih loba neuleuman kana widang falsafah jeung sabada éta, anjeunna ngulik matématika.[1]
Ahirna, dina taun 1666 nalika anjeunna umur 20 taun, Wilhelm geus hasil meunang gelar doctor dina widang hukum.[1] Dina umur anu pohara ngora kitu, anjeunna geus ngahasilkeun réa karya tulis.[1] Karya Wilhelm anu kawentar di antarana anu judulna On Natural Law.[1] Kontribusina kana subyék anu pohara legana sumebar dina réa jurnal jeung puluhan rébu surat jeung naskah manuskrip anu can sakumna dipedalkeun.[1] Nepi ka kiwari, can aya édisi lengkep ngeunaan tulisan-tulisan Wilhelm Leibinz.[1]
Taun 1679, Leibinz mimiti ngawanohkeun system wilangan dumasar dua (binér).[2] (1646 – 1716) Awalna tina koréspondénsi jeung Pere Joechm Bouvet, saurang Jesuit jeung misionaris di Cina[2]. Ngaliwatan Bouvet, Leibinz diajar I Ching (geus aya 5000 taun SM), Héksagram anu patali jeung sistem wilangan dumasar dua.[2] Yin jeung Yang dina héksagram anu dilambangkeun garis pegat jeung garis lempeng digantikeun ku angka 0 jeung angka 1.[2] Hasilna héksagram dikonvérsi jadi wilangan binér. Sistem wilangan ieu pisan anu bakal jadi fondasi révolusi komputer.[2]
Sumber
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |