Hékter

Hékter atawa dreuk nyaéta pakakas pikeun ngahijikeun sawatara kertas ku cara ngasupkeun eusi hékter nu wangunna kawas hurup "U" nu nilep di bagian handap kertas mun panjang kadua tungtungna ngaleuwihan kandel kertas.

Dreuk

Kertas nu dihijikeun jeung eusina

Hékter gampang pisan kapanggihna lantaran loba sayaga di kantor, sakola, fotokopian, imah, nikakeun di warung sangu sarta nu sok jualan kadaharan. Hékter kasohor pisan nikakeun loba pisan ngaran sebutanana, basa Indonésia: pengokot, basa Jawa: jekrékan, atawa sebutan séjén kawas jeprétan, atawa cekrékan. Hékter sok dipaké pikeun mungkus kadaharan. Palastik dilipet hambéh eusina teu kaluar sarta dipungkas ku dreukan hékter.

Étimologi

Hékter

Kecap hékter asalna tina basa Jérman tina kecap hefter nu hartina jeprétan. Ieu kecap hefter diinjeum ku urang Walanda pikeun nyebut ieu alat, sarta ieu alat kawilang gedé pisan mangpaat jeung fungsina nalika Walanda mikawasa di Hindia Walanda. Nika kiwari, kecap hékter masih dipaké sarta hirup di lingkungan masarakat nu ngagunakeun ieu istilah.

Dreuk

Lian ti istilah hékter nu mangrupa kecap serepan ti basa Jérman, aya ogé istilah nu bijil pituin ti masarakat Sunda. Nyaéta kecap dreuk, nu mana ieu kecap téh bijil tina sora nu dihasilkeun ku ieu alat nalika dipaké. Mun dipaké, tina ieu alat téh kaluar sora "dreuk", nika nelah disebutna ieu alat téh jadi dreuk.

Ukuran

Hékter ngawengku sawatara ukuran nu maké eusi nu rupa-rupa:

• Ukuran leutik, maké eusi ukuran No.10 (standar JIS) atawa No.23 (standar Eropa-Amerika), bisa ngajilid kertas fotokopi nika 20 lambar.
• Ukuran sedeng, maké eusi ukuran No.3 atawa No.35, ngajilid kertas fotokopi 30 nika 75 lambar gumantung kana panjang eusi atawa pérah.
• Ukuran badag, maké eusi ukuran No.1 atawa No.12, bisa ngajilid kertas fotokopi ti 50 nepi ka kurang leuwih 250 lambar gumantung kana panjang eusi. Teu bisa dipaké pikeun ngajilid kertas nu saeutik, lantaran bagéan eusi nu kaluar tina kertasna bakal panjang teuing.