Tumbung
Tumbung, heunceut, mémék, momok, atawa baga (di sababaraha wewengkon sunda, ieu kaasup basa kasar) nujul ka organ séks luar awéwé nu sacara umum disebut ogé palawangan (aya ogé sebutan pudendum). Heunceut manusa ngawengku labia mayora jeung labia minora (ngaran ieu ditarjamahkeun ka biwir "badag" jeung biwir "leutik", mindeng ogé "minora" leuwih badag sarta nonjol luareun "mayora"), itil, lawang urétra (meatus), sarta Liang Heunceut. Fungsi utama nu ngalibetkeun palawangan nyaéta kiih, paripolah séksual, kareseban, sarta babar.
Pedaran
éditNu cendewok lebah hareup palawangan nyaéta mons pubis, atawa nu husus keur jelema, mons veneris atawa "gunung Vénus" nu sanggeus puber katutupan ku baok (pubic hair), nu jumlahna gumantung kana faktor turunan. Labia mayora atawa biwir badag manteng di dua sisi heunceut, nu ogé bisa katutupan ku baok. Labia mayora sagemblengna atawa sawaréh nyumputkeun bagian séjén palawangan.
Labia minora nyaéta dua tilep kulit lemes di antara labia mayora jeung dua sisi lawang heunceut. Itil ayana di lebah hareup heunceut tempat labia minora tepung. Tungtung itil nu katémbong, hulu itil (clitoral glans) sagemblengna atawa sawaréh katutupan ku 'tiung' jaringan (tiung itil).
Lawang heunceut ayana deukeut bagian tukang (atawa na bagian handap) palawangan; lawang urétra nu leuwih leutik aya di antara itil jeung heunceut. Di nu parawan kénéh, heunceut téh katutupan ku bagian kulit nu disebut selaput dara (hymen).
Handapeun, kénca-katuhueun lawang heunceut aya kelenjar Bartholin; nalika wanoja karangsang birahina, kelenjar ieu ngahasilkeun zat leuleueur pikeun ngagampangkeun dina prosés penetrasi.
Daérah antara heunceut jeung kérod salawé disebutna perineum.
Patalina jeung sirit
éditAnatomi palawangan patali jeung anatomi sirit ku ayana common developmental biology. Bagéan-bagéan nu babagi common developmental ancestry dina hal ieu disebutna homolog.
Hulu itil (clitoral glans) homolog jeung hulu sirit (glans penis) lalaki, sedengkeun tiung itil homologna jeung kulup sirit. Awak itil homolog jeung corpora cavernosa, hiji bagian tina sirit. Labia mayora homolog jeung kanjut (scrotum), sedengkeun vestibular bulb handapeun kulit labia minora homolog jeung corpus spongiosum, jaringan sirit sabudeureun urétra. Kalenjar Bartholin homolog jeung Kalenjar Cowper di lalaki.