Hidrogéologi (hidro- hartina cai, jeung -géologi ngartina élmu ngeunaan bumi) nyaéta widang géologi nu nalungtik ngeunaan sebaran jeung gerak cai taneuh dina taneuh jeung batu di kerak Bumi, (ilaharna dina akuifer). Watesan géohidrologi ogé ilahar dipaké keur ngagantina. Sababaraha bédana antara hidrogéologi jeung géohidrologi nyaéta ahli hidrologi atawa ahli rekayasa ngagunakeun élmu hidrologi kana géologi (géohidrologi), jeung ahli géologi maké élmu géologi kana hidrologi (hidrogéologi).

Bubuka édit

Hidrogéologi (saperti élmu bumi séjén) mangrupa pangawéruh antar disiplin; hal nu hésé keur mastikeun pakaitna kimia, fisika, biologi kaasup ogé hukum kana taneuh, cai, biosfir jeung kahirupan sosial. Pangaweuh ngeunaan pakaitna gerak cai taneuh jeung géologi kacida ruwetna. Cai taneuh teu salawasna ngalir di handapeun taneuh dumasar kana "topografi permukaan tanah"; cai taneuh ngalir dumasar kana "gradien tekanan" (ngalir ti gradien tekanan tinggi ke rendah) salawasna nuturkeun celah jeung rongga dina pola aliranna. Keur nyaho sacara jéntré hal nu mangaruhan kana sistim multi-komponen nu béda katempona, salawasna merlukeun pangaweruh dina sababaraha widang elmu boh tingkat percobaan atawa teori. Bisa disebutkeun, saterusna leuwih mangrupa bubuka tradisional (panempo nu kurang) kana métodeu jeung catetan ngeunaan hidrologi handapeun taneuh atawa hidrogéologi sederhana.