Semar: Béda antarrépisi

'''Semar''' atawa lengkepna '''Semar Badranaya''', salasaurang tokoh dina [[carita Mahabarata]], nyaéta salasaurang badéga nu ngawulaan para [[Pandawa]]. Semar sok ogé disebut '''[[Lurah]] Semar Kudapawana'''.

 

 

== Carita ==

Nurutkeun caritana, Semar tadina boga dedeg pangadeg kasép ngalémpéréng konéng, terah [[déwa]] anu sakti pilitanding, ngaranna '''Batara Ismaya''' atawa '''Sang Hyang Munget''', putra ''Sang Hyang Wenang'', nu hirup di ''Kalampit Sireng'', ''Kahyangan''.

 

Dina hiji waktu, Semar kabita ku [[jimat]] ''Jamus Layang Kalimusada'' nu dipimilik ku adina, Sang Hyang Rancasan. Bakat ku kabongroy ku éta pusaka, manéhna jeung adina nu hiji deui, Sang Hyang Antaga, ngahurup Sang Hyang Rancasan nepi ka tiwasna. Malah bugangna didalahar ku duaan, sedengkeun pusakana leungit taya tapakna. Sanggeus kitu, Semar jeung adina ngadadak saralin jinis, robah jadi dedegan jalma nu pikahinaeun. Maranéhna dialusir ku ramana, Sang Hyang Wenang, dibuang ka [[Marcapada]]: Sang Hyang Ismaya jadi Semar, sedengkeun Sang Hyang Antaga jadi [[Togog]].

 

Semar kacida ngarasa kaduhung ku hiji ku dua, tina gagah gandang sampulur, dedeganana robah jadi goréng patut: [[beuteung]] bucitreuk, [[beungeut]] pias, [[kulit|pakulitan]] hideung, [[sirah]] kukuncungan, jadi hina diusir ti Kahyangan. Tapi najan kitu, manéhna sadar sahingga bisa nampa kalawan sadrah ka Pangéran, rumasa tina kasalahanana sorangan.

 

Ki Semar migarwa Déwi Sutiragén, putra raja Sekar Rumumbé, nu salawasna satia satuhu ka anjeunna.

 

* [[wayang]]

** [[Wayang Golék|wayang golék]]

* [[Carita Ramayana]]

 

 

[[en:Semar]]

[[id:Semar]]

[[jv:Semar]]