'''TD-SCDMA''' (singketan tina kecap-kecap basa Inggris "Time Division-Synchronous Code Division Multiple Access") nyaéta salah sahiji standar telekomunikasitélékomunikasi mobil [[3G]], anu keur digawékeun di [[Republik Rakyat Cina]] ku [[Chinese Academy of Telecommunications Technology]] (CATT), [[Datang]] sarta [[Siemens AG]], dina raraga supaya henteu gumantung kana téknologi urang [[Barat]] <ref>[http://www.tdscdma-forum.org/nenglish/articles/article20030418.2.html]</ref>. Alesan utama dijieunna ieu standar cenah format [[3G]] lianna nyaratkeun bayaran béa patén ka sajumlah urang Barat anu mibanda hak patén<ref>[http://www.3glicensing.com/articles/News%20LowCost.pdf ''3G Licensing introduces the W-CDMA Patent Licensing Programme at the "Low Cost 3G Devices" conference''], [[London]], [[13 March]] [[2007]]</ref>. TD-SCDMA didasarkeun kana téknologi [[spéktrum sebar]] sarta kamunginan bakal bébas tina kawajiban mayar patén ka urang Barat.
== Pamasangan jeung pamakéan jaringan ==
Dina tanggal 20 Januari 2006, Mantri Industri Informasi [[Républik Rakyat Cina]] sacara resmi ngumumkeun yén TD-SCDMA mangrupa standar boga nagara kasebut pikeun telekomunikasitélékomunikasi mobil [[3G]]. Dina tanggal 15 Pébruari 2006, pamaréntah Cina ngumumkeun jadwal waktu pikeun pamasangan jaringan TD-SCDMA di Cina, sarta ngémbarkeun uji coba pra komérsial dimimitian saenggeus réngséna sajumlah uji jaringan di sababaraha kota anu dipilih. Uji coba ieu dilaksanakeun ti bulan Maret nepi ka bulan Oktober 2006, tapi hasilna teu nyugemakeun. Pangwangunan jaringan-jaringan nu ngagunakeun standar 3G lianna (WCDMA katut CDMA2000 EV/DO) ditunda nepi ka siapna TD-SCDMA.
Standar kasebut geus diadopsi ku [[3GPP]]. TD-CDMA (nu leuwih deukeut kana [[W-CDMA]]), ditawarkeun salaku [[air interfaces]] pikeun sistem [[UMTS-TDD]], kaol UMTS anu lolobana digunakeun pikeun nyadiakeun aksés Internét. Pamakéan [[TDD]] leuwih éfisién batan FDD pikeun laju data asimétrik, anu ilahar dina pamakéan Internét.
