Kamajaya nyaéta hiji déwa anak Hyang Ismaya. [1]Sok mindeng disebut Hyang Anangga atawa hyang nu teu boga awak. [1]Silsilahna nyaéta, waktu Hyang Batara Guru keur tatapa, ngaluarkeunn cahya nu kacida moncorongna. [1]Hyang Kamajaya diperedih supaya ngahudangkeun Hyang Guru Maha Murni nu keur tatapa téa, ku cara mentangkeun panah asmara tepi ka nu keur tatapa téh jadi lilir. [1]Dina keur lilir kitu Batara Guru téh kacida ngarasa kagétna sabab bet kaeunteupa ku rasa smara nu kacida rosana. [1]Ti dinya kalah ka ngambek sabab di hareupeunana katémbong aya Kamajaya. [1]Nya harita Batara Guru robah jadi kalamercu nu ngaluarkeun seuneu sarta ngaléntaban ka Kamajaya tepi ka leungit sapisan. [1]Kanyahoan ku Déwi Ratih, terus ngadeukeutan ka Kamajaya nu geus tutung, sakumaha nu kabandungan dina carita 'Asmara Dahana'.[1]

Rujukan édit

  1. a b c d e f g h Djajakusumah, Gunawan (2010). Leksikon Pawayangan. Bandug: Puspawarna. p. 68.