Kangkung

Kangkung
Klasifikasi ilmiah
Karajaan:	Plantae
Divisi:	Magnoliophyta
Kelas:	Magnoliopsida
Ordo:	Solanales
Kulawarga:	Convolvulaceae
Génus:	Ipomoea
Spésiés:	I. aquatica
Ngaran binomial
Ipomoea aquatica Forssk.

Kangkung (Ipomoea aquatica Forsk.), ogé dipikawanoh minangka Ipomoea reptans Poir1. mangrupa tutuwuhan anu kaasup sayur-sayuran sarta dipelak dijadikeun kadaharan. Kangkung réa dijual di pasar-pasar. Kangkung loba tumuwuh di wewengkon Asia sarta mangrupa tutuwuhan anu bisa ditepungan di mana-mana utamana di tempat nu aya caian.

Kangkung ogé mangrupa kadaharan salah sahiji spésiés sato nyaéta Chersina, atawa kuya.

Gambaran

Aya dua rupa kangkung. Kangkung miboga daun anu leueur sarta ngawangun mata panah sapanjang 5-6 inci. Tutuwuhan ieu mibanda tangkal anu ngareuy kalawan daun nu selang-seling sarta tangkal anu ajeg dina puhu daun. Tutuwuhan ieu boga warna héjo sepa sarta ngahasilkeun kembang nu warnana bodas, anu ngahasilkeun kantong anu ngandung opat siki binih. Aya ogé wanda daun rubak sarta daun heureut.

Budidaya

Di pasar-pasar tradisional Indonésia, kangkung sayureun dijual beungkeutan.

Aya dua rupa cara melak nu ditarékahan: garing sarta baseuh. Dina dua cara ieu, maké bahan organik (kompos)anu rada loba jeung cai supaya kangkung bisa tumuwuh kalawan subur.

Dina cara melak garing, kangkung dipelak dina jarak 5 inci. Kangkung bisa dipelak tina siki binih atawa keureutan akar. Kangkung mindeng dipelak dina pabinihan saméméh dipindahkeun ka kebon. Daun kangkung bisa dipanén sanggeus 6 minggu dipelak.

Lamun cara melak baseuh anu dipaké, potongan sapanjang 12-inci dipelak dina leutak sarta diantepkeun baseuh. Sawaktu kangkung tumuwuh, wewengkon baseuh dikeueum ku cai saluhur 6 inci. Kocoran cai ieu saterusna dieureunkeun lamun taneuh kudu digemburkeun. Panén bisa dipigawé 30 poé sanggeus melak. Lamun pucuk pepelakan dipetik, cabang dina sisi daun baris tumuwuh deui sarta bisa dipanén saban 7-10 poé.

Sawaktu kembangan, pucuk kangkung tumuwuh kalawan laun, tapi pabajoan taneuh sarta panén condong ngahangkeutkeun leuwih réa daun anu dihasilkeun.

Pamangpaatan

Ampir sakabéh pepelakan ngora bisa didahar. Alatan kangkung kolot boga serat (tapas) nu liat, pucuk anu ngora leuwih dipikaresep. Pucuk bisa didahar atah atawa diasakan kawas bayem. Kangkung mindeng ogé diloték.

Tumbu ka luar

• (ms) http://agrolink.moa.my/doa/bdc/vege/ka_tek_bm.html Archived 2005-03-09 di Wayback Machine