Kapal silem
Kapal silem nyaéta kapal nu bangunna saperti sulutu, bisa jalan di jero atawa di luhur laut.[1] Kapal silem kaasup kapal perang, ari parabotna torpedo.[1] Prinsip dasar anu nyieun kapal silem bisa neuleum atawa muncul di permukaan nyaéta hal nu basajan pisan.[2] Kapal silem anu pang modérenna miboga dua lambung, atawa awak.[2] Balas cai ditunda antara lambung bagian jero sarta lambung bagian luar, anu bisa dianggap sarua jeung "carangka".[2]
.jpg)
Sabot kapal silem siap pikeun neuleuman laut, katup-katup badag anu dipikawanoh minangka "kingstons", nu perenahna di dasar tangki balas, dibuka pikeun ngantepna asup ka laut.[2] Hawa di jero tangki kaluar ngaliwatan katup-katup dina bagian luhur, anu dipikawanoh minangka "liang-liang angin".[2] Kapal silem éta asup kana cai.[2] Sabot kapal silem siap pikeun muncul ka permukaan, liang-liang angin ditutup sarta tekanan hawa di dorong asup kana tangki-tangki.[2] Hal ieu jadi niup cai ngaliwatan deui kingstons, sarta kapal silem éta naék.[2]
Supaya kapal silem bisa neuleuman laut sarta muncul ka permukaan, aya kemudi-kemudi horisontal nu dipasang dina lambung kapal.[2] Pikeun ngemudikeun kapal silem sabot usik ka luhur, aya hiji kemudi anu sarua kawas dina kapal-kapal biasa.[2] Kapal silem dibagi ku dinding-dinding pemisah anu nyilang jadi kompartemen-kompartemen.[2] Pikeun kaluar ti hiji kompartemen ka kompartemen séjén, hiji jalma kudu ngaliwatan panto-panto kedapcai, anu bisa nutupan kalayan gancang.[2] Kabéh kapal silem miboga liang-liang palka sarta paru-paru pengaman pikeun dipaké dina kaayaan darurat.[2]
Rujukan
édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |