Kutawaringin (majalah)

Kutawaringin téh ngaran majalah bulanan basa Sunda anu dierbitkeun di Subang dina taun 1966.

Profil Majalah

Majalah Kutawaringin diterbitkeun ku Yayasan Kutawaringin Subang. Panangkes dicepeng ku AHS Armin Asdi, ari girang rumpaka dicepeng ku Agus Sur. Ngaran Kutawaringin dicokot tina kasang tukang sajarah di dinya. Di wewengkon Cimerta Subang, kungsi ngadeg karajaan leutik Kutawaringin Subanganten atawa Kutawaringin Subanglarang. Lamun nilik eusina, ieu majalah kaasup kana golongan majalah umum, sabab eusina sifatna umum. Dina awal terbit, dimuat carita pondok, carita nyambung (novel), sajak, artikel kaagamaan, artikel seni jeung budaya, katut pangaweruh umum liana. Hanjakal umur ieu majalah henteu lana, da ukur terbit sawatara nomer bae, teu nepi ka sataun-sataun acan.

Rengrengan Redaksi

• Pupuhu: Otje Djundjunan Setiakusuma
• Wakil Pupuhu: Aang A Widjaja
• Panangkes: AHS Armin Asdi
• Girang Rumpaka: Agus Sur
• Girang Serat: Winarja Artadinata
• Rumpaka: Idit S Madiana, Atju Sjamsudin, S. Susilo, R.H. Abdullah, Mahfud Prawirasudardjat, Narwan Sutarmas M
• Juru Pair: Tjutjup Suwitatunggara, Friatna Nugraha
• Juru Titen: Oja Sukarna
• Juru Tekin: Adang T
• Juru Potret/Juru Warta: Iskandar, Friatna Nugraha
• Alamat Redaksi: Jl. Jend. Ahmad Yani No 66 Subang
• Oplah: Taya katerangan sabara-sabarahan unggal sakali medal

Rubrikasi

1. Sala Manggung (ti Redaksi)
2. Reportase
3. Carita Pondok
4. Cahaya Sumirat (rubric Agama Islam)
5. Esey Seni Budaya
6. Nyingraykeun Lalangse (Féatures)
7. Kandaga Seni Daerah
8. Sajak
9. Lulucon
10. Leuwi Panenggahan
11. Puri Kutawaringin
12. Pangaweruh
13. Tunjung Balebat (Rohangan Rumaja)
14. Dangding
15. Carita Nyambung
16. Galura Suara (rubrik seni)
17. Mopole
18. Gembyung Subang (Sketsa Masarakat)
19. Berita Foto.

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

Tingali

• Majalah Basa Sunda