Laporan arus kas
Laporan arus kas nyaéta laporan kauangan nu midangkeun inpormasi ngeunaan panarimaan sarta pangaluaran kas hiji perusahaan salila hiji période.[1] Hal nu biasa dipidangkeun atawa digambarkeun dina laporan kauangan arus kas (Cash Flow Statement) ngawengku jumlah kas nu ditarima, saperti pandapatan tunai jeung investasi tunai ti nu boga usaha sarta jumlah kas nu dikaluarkeun perusahaan, saperti beban-beban nu kuduna dikaluarkeun, pambayaran hutang jeung nyokot prive.[1]
Klasifikasi laporan arus kas
éditDina laporan kauangan arus kas, perusahaan barang atawa jasa, aya 3 bagéan nyaéta:[1]
Kas aktivitas operasi
éditConto tina kas aktivitas operasi nyaéta pambayaran jeung pandapatan piutang, pambayaran gaji, pangaluaran operasional, jsb.[1] Laporan kas ti aktivitas operasi kawengu ti sababaraha kagiatan atawa operasi utama dina hiji perusahaan nu sacara langsung mangaruhan kas.[1]
Kas aktivitas investasi
éditmangrupa laporan kas kauangan nu aya patalina jeung hasil penjualan jeung pembelian aktiva tetap atawa aktiva permanen.[1]
Kas aktivitas pendanaan
éditLaporan kauangan arus kas nu aya hubungan jeung investasi nu boga perusahaan, panginjeuman dana, jeung dicokotna duit ku nu boga usaha.[1]
Laporan keuangan arus kas ngabutukeun data/ informasi ti neraca période saacanna jeung période nu keur lumangsung sarta laporan laba rugi nu keur lumangsung.[1] Tina informasi nu aya dina laporan arus kas ku kituna laporan kauangan arus kas bisa dihartikeun jadi salah sahiji wangun laporan kauangan nu midangkeun informasi ngeunaan panarimaan sarta pangaluaran kas hiji perusahaan salila hiji période.[1]
Laporan kauangan arus kas mangrupa laporan nu midangkeun sakabéh panarimaan jeung pangaluaran kas salila période akuntasi.[1] Laporan kauangan arus kas bisa digunakeun pikeun ngaévaluasi dina aktiva bersih perusahaan, struktur kauangan (kaasup likuiditas jeung solvabilitas) sarta kamampuan pikeun mangaruhan jumlah jeung waktu arus kas dina adaptasi jeung parobahan kaayaan jeung kasempetan.[1]
Cara nyusun laporan arus kas
éditLaporan kauangan arus kas (cash flow statement), laporan nu disusun atawa dijieun sanggeus nyieun neraca.[2] Laporan ieu disusun numutkeun kana dua sumber data, nyaéta data laporan laba rugi période nu keur lumangsung (current book) jeung neraca période nu keur lumangsung sarta neraca période saacaanna.[2]
Numutkeun cara midangkeun atawa wangunna, laporan kauangan arus kas dibédakeun jadi dua nyaéta dipidangkeun sacara langsung (direct method) jeung dipidangkeun sacara teu langsung (indirect method).[2] Sacara élemén, euweuh bédana di antara dua cara midangkeun laporan kauangan arus kas éta, bédana ngan aya dina cara midangkeun arus kas nu asalna tina kagiatan operasi.[2]
Dina pamidangan langsung (direct method), arus kas nu asalna tina kagiatan operasional dijéntrékeun jadi dua arus kas nyaéta arus kas asup jeung arus kas kaluar nu tuluy dijéntrékeun deui dina sababaraha jenis panarimaan atawa pangaluaran kas, ku kituna dina pamidangan sacara teu langsung (indirect method), arus kas ti kagiatan operasional ditangtukeun ku cara mariksa kauntungan bersih nu dilaporkeun dina laporan laba rugi (biaya panyusutan, kanaékan harta lancar jeung hutang lancar sarta untung/ rugi).[2]
Sacara umum ( direct method atawa indirect method), aya lima léngkahnu bisa dipaké pikeun cara nyusun laporan kauangan arus kas, nyaéta:[2]
- Itung kanaékan/ panurunan nu aya dina kas
- Itung jeung laporkeun kas netto nu geus dipaké dina aktivitas operasi, kalayan maké cara langsung (direct method) atawa teu langsung (indirect method).
- Itung jeung laporkeun kas netto nu digunakeun dina aktivitas investasi
- Itung jeung laporkeun kas netto nu dipaké ku aktivitas pendanaan
- Itung arus jeung jumlahkeun kas netto ti gabungan kas netto nu dipaké ku aktivitas operasi, investasi, jeung pendanaan sarta saldo awal kas (salaku pambuktiaan yén saldo téh sarua jeung saldo kas akhir).
Laporan kauangan arus kas mangrupa laporan akhir tina w hiji perusahaan.[2] Sanggeus anggeus nyieun laporan kauangan arus kas, anggeus ogé laporan kauangan dina hiji perusahaan.[2]
Tujuan Laporan arus kas
éditLaporan ieu sacara umum mangpaat (pikeun manajer) pikeun meunteun operasi saacaanna, nu mangpaat pikeun ngarencanakeun aktivitas investasi sarta pambiayaan kaharaeupna.[2] Perusahaan gedé kalayan untung atawa laba bersih nu sakitu gedéna teu ngajamin perusahaan éta miboga kas nu cukup pikeun mayar gajih pagawé jeung meuli kalengkepan perusahaan ka hareupna.[2] Ku kituna, laporan kauangan arus kas disusun kalayan tujuan sacara khusus pikeun:[2]
- Numutkeun laporan kauangan arus kas ayeuna, pikeun ngira-ngira arus kas ka hareupna.
- Teu ninggali kana laporan kauangan arus kas ayeuna, nangtukeun mampu atawa henteuna perusahaan dina mayar kawajiban perusahaan.
- Dadasar dina nyokot hiji kaputusan pikeun ngabenerkeun gawé perusahaan.
- Laporan ngeunaan hubungan laba atawa kauntungan bersih kana parobahan kas perusahaan.
Tina tujuan laporan kauangan arus kas, kamampuan jeung kamekaran perusahaan dina hiji période bisa ditinggali jeung disikepan ku cara investasi pikeun kamekaran perusahaan ku kituna bisa ditangtukeun investasi mana nu bisa ngamekarkeun perusahaan.[2]
Mangpaat Laporan arus kas
éditLaporan kauangan arus kas miboga sababaraha mangpaat pikeun perusahaan barang atawa jasa.[2] Salian mangpaat pikeun perusahaan, laporan ieu ogé mangpaat pikeun loba pihak nu ngabutukeun inpormasi tina laporan éta kayaning investor, kreditor, jeung pihak-pihak séjén lianna.[2]
- Informasi dina laporan kauangan arus kas bisa méré inpormasi nngeunaann kamampuan éntitas hiji perusahaan dina ngahasilkeun arus kas ka hareupna[2]
- Tina inpormasi laporan kauangan arus kas, bisa ditinggali sabaraha gedéna kamampuan perusahaan dina mayarkeun dividen jeung nyumponan kawajibanna (saperti mayar gajih pagawé).[2]
- Ku ayana data ngeunaan dana asup jeung kaluar atawa kas asup jeung kaluar, laba atawa kauntungan bersih bisa dipikanyaho. Ku kituna kasuksesan hiji perusahaan bisa diukur kalayan jelas.[2]
Kasimpulan tina laporan kauangan arus kas bisa ngagambarkeun ka hareupna atawa kamekaran hiji perusahaan ka hareupna.[2]
Tinggali ogé
éditRujukan
édit- ↑ a b c d e f g h i j k SR, Soemarso (2005). Akuntansi Suatu Pengantar Edisi 2 Jilid 5. Jakarta: Salemba Empat. ISBN 979-691-184-1.
- ↑ a b c d e f g h i j k l m n o p q r "Laporan Arus Kas : Pengertian, Cara, Tujuan dan Contoh - DosenAkuntansi.com" (dalam bahasa en-US). DosenAkuntansi.com. 2017-06-14. https://dosenakuntansi.com/laporan-arus-kas. Diakses pada 2017-12-11
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |