Mozilla Firefox
Mozilla Firefox (ngaran aslina Phoenix jeung saterusna -pikeun saheulanan- dipikawanoh salaku Mozilla Firebird) nyaéta panyungsi web antar-platform haratis anu dimekarkeun ku Yayasan Mozilla jeung ratusan sukarelawan. saméméh kaluar versi 1.0-na dina tanggal 9 November 2004, Firefox geus meunang pamapag anu hadé pisan ti pihak media, kaasup ti Forbes jeung Wall Street Journal. [1] [2] Anu leuwih ti 5 juta unjalan (download) dina jero 12 poé mimiti rilisna jeung 6 juta nepi ka 24 November 2004, Firefox 1.0 jadi salah sahiji parabot lemes haratis, sumber-muka (open-source) anu panglobana dipaké di antara pamake anu di imah. [3]
 Mozilla Firefox
| |
|---|---|
 Mozilla Firefox 89.0 di Arch Linux | |
| Nu ngamekarkeun: | Mozilla Corporation / Mozilla Foundation |
| Sistim operasi: | antar-platform |
| Jinis: | Penjelajah web |
| Lisensi: | Mozilla EULA untuk distribusi biner |
| Situs web: | http://www.mozilla.com/firefox/ |
Ngaliwatan Firefox, Yayasan Mozilla mibanda tujuan pikeun ngamekarkeun panyungsi loka anu leutik, gancang, basajan, jeung kacida bisa dimekarkeun (misah tina Mozilla Suite anu leuwih badag). Firefox geus jadi fokus utama mekarna Mozilla babarengan jeung client e-mail Mozilla Thunderbird, jeung geus jadi gaganti Mozilla Suite salaku panyungsi resmi Yayasan Mozilla.
Di antara fitur populer Firefox nyaéta pakakas panghalang pop-up anu geus dipasang jeroeunana, jeung hiji mekanisme pamekar (extension) pikeun nambahan fungsionalitas panambah. Sok sanajan éta fitur-fitur téh geus lila nyampak dina panyungsi-panyungsi lianna kayaning Mozilla Suite jeung Opera, Firefox mangrupa browser anu munggaran meunang pamapag sakitu lobana. Firefox ditargetkeun pikeun narik kurang leuwih 10% pangsa pasar Internet Explorer anu dikaluarkeun ku Microsoft (panyungsi pangpopulerna anu meunang bagéan pasar anu badag (per 2004) nepi ka taun 2005, anu reréana jalma pada nyarebut taun mulangna deui perang panyungsi. [4]
Firefox geus meunang pangajen salaku alternatif ti Internet Explorer ti saprak Explorer dikecam lantaran dituduh kurang tumaninah—pihak anu satuju kana éta anggapan nyebutkeun yén Explorer henteu nuturkeun standar Loka, ngagunakeun komponen ActiveX anu remen ngabahayakeun, jeung aya kahengker pelebah spyware jeung malware anu dipasangna—jeung kurangna fitur-fitur anu penting ceuk anggapan pamake Firefox. [5] Microsoft sorangan geus méré respon, majarkeuna téh éta isu-isu kaamanan jeung fitur Explorer henteu kudu dipikarempan. [6].
Mozilla Firefox ayeuna geus nepi kana versi 2.0. dina versi 2.0, Mozilla mibanda bug (kahengker) nyaéta bakal "crash" lamun muka kacaloka (Web Page) anu kacida badag jeung mibanda JavaScript, tapi éta hal geus dibebener. [1] Archived 2008-03-21 di Wayback Machine
Tingali ogé
édit- Netscape Navigator, browser Mozilla Firefox ditaratas dumasar kana ieu browser.
- Internet Explorer, browser anu kiwari pamakena panglobana.
Referensi
édit- Goodger, Ben. (2004). Mozilla Firefox Development Charter. Retrieved September 22, 2004.
- Kéating, Wick. (2004). Open source: Swimming with the tide Archived 2007-02-20 di Wayback Machine. In Consultants' Briefing. Retrieved January 8, 2004.
Tumbu luar
édit- (en) Halaman produk Firefox di Mozilla.org
- (en) Mozilla Update — Tema jeung ekstensi
- (en) Forum-forum Mozilla Firefox — ti MozillaZine
- (en) SpreadFirefox.com Archived 2004-10-16 di Wayback Machine — Kaca pamasaran komunitas Firefox resmi
- (en) Firefox Help - Pitulung online pikeun browser Mozilla Firefox
- (en) Wikibooks: Using Firefox
- (en) Mozilla Community Wiki - Komunitas Mozilla
- (en) Knowledge Base - Basis pangaweruh ngeunaan produk-produk Mozilla
- (en) Mesin kotéktak (search plugins) loka-loka Indonesia Archived 2008-03-21 di Wayback Machine
|
Artikel ngeunaan komputer ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |