Musieum Talaga Manggung
Musieum Talaga Manggung aya di Désa Talaga Wétan, Kecamatan Talaga.[1] Jarak anu kudu ditempuh ka musium ieu nyaéta Skira-kira 26 km ti puseur Kota Majaléngka.[1] Nu datang ka lokasi wisata budaya ieu umumna pelajar.[1] Tiket asupna henteu ditangtukeun, ngan sawates sumbangan sukarela.[1]
Sajarah
éditMusieum Talaga Manggung anu perenahna di Kecamatan Talaga mangrupa salah sahiji bukti sajarah kejayaan karajaan di kota angin anu cangkaruk kénéh nepi ka ayeuna.[2] Musium anu masih kokoh ieu téh titilar sakaligus patilasan Karajaan Talaga Manggung anu kungsi aya di Majaléngka taun 1371 – 1819 SM.[2] Saméméhna karajaan ieu aya di barat daya Gunung Ciremai anu kiwari jadi Kecamatan Talaga diadegkeun hiji musium anu dikokolakeun ku Yayasan Talagamanggung anu anggotana turunan ti Prabu Darma Suci II, Teten W, anu mangrupa generasi ka salapan welas sedengkeun barang titilar anu masih aya ngan saukur sawelas jenis barang.[2] Teten W salaku Sekretaris Yayasan Talaga Manggung nyebutkeun yén mimiti diadegkeunna musium ieu dimaksudkeun salaku usaha ngamumulé barang titilar sajarah ti Karajaan Talaga Manggung anu ancik saeutik sangkan bisa dikokolakeun kalayan leuwih hadé.[2]
Barang Titilar
édit
Lobana titilar sajarah ti Karajaan Talaga Manggung saperti karéta kéncana, pakakas perang, pakakas kasenian anu jadi daya irut , sarta ayana adat ngamandikeun pakakas anu rutin dilaksananakan sataun sakali.[3] Kiwari barang titilar anu aya di musium ngan aya pakakas kasenian (goong renteng), pakarang pusaka karajaan (keris, tombak jeung sajabana), pakakas tukeur dina mangsa kerajaana, saperti téko, genta, batu Bandring, jeung batu pangsolatan.[3]
Sajaba Musium Talaga Manggung, di Kabupatén Majaléngka aya dua tempat sajarah séjénna saperti Monumén Perjuangan Kawunghilir (Cépér, Baki tempat seureuh, peti kai badag, sarta pakarang) anu aya di Désa Cigasong sarta Tugu Peringatan Riwayat Bangun Rangin anu aya di Kacamatan Jatitujuh.[3]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Rujukan
édit- ↑ a b c d Musium Archived 2011-08-31 di Wayback Machine (Diakses tanggal 18 November 2011)
- ↑ a b c d Sejarah Archived 2012-11-27 di Wayback Machine (Diakses tanggal 18 November 2011)
- ↑ a b c Talaga Manggung Archived 2015-09-23 di Wayback Machine (Diakses tanggal 18 November 2011)