Ngabungbang

kasenian ti Désa Batulawang, Kacamatan Pataruman, Kota Banjar
(dialihkeun ti Ngabungbang batulawang)

Ngabungbang, disebut ogé ngabungbang batulawang, nyaéta kagiatan budaya anu tos lumangsung di masarakat Désa Batulawang, Kacamatan Pataruman, Kota Banjar. Ieu kasenian sok dilaksanakeun dina waktu peuting anu dimimitian ku pamapag para inohong, di antarana nyaéta ti unsur muspida, pamangku adat, jeung pamangku seni anu aya di sabundeureun Kota Banjar.[1]

Numutkeun salah sahiji sesepuh adat, ngabungbang téh nyaéta hiji kagiatan tradisi urang Sunda anu dilaksanakeun dina waktu peuting di handapeun cahaya bulan purnama, tepatna tanggal 14 Mulud. Atawa, ngabungbang téh hartin cicing di luar imah dina kaayaan henteu saré sapeupeuting. Ngabungbang asalna tina rucatan kecap "nga" hartina ngahijikeun tur "bungbang" hartina miceun atawa ngabersihkeun. Saanggeus henteu sare sapeupeuting, kagiatan ngabungbang dilanjutkeun kana mandi.[1]

Rujukan édit

  1. a b Penetapan Warisan Budaya Takbenda Indonesia Tahun 2018 (PDF). Jakarta: Direktorat Warisan dan Diplomasi Budaya, Direktorat Jenderal Kebudayaan, Kementerian Pendidikan dan Kebudayaan. 2018. p. 142.