Prasasti Galuh nyaéta salah sahiji prasasti titilar Galuh.

PerenahÉdit

Prasasti Galuh disimpen di Musieum Nasional kalayan nomer inventaris D.29.

Rupa bahanÉdit

Prasasti Galuh dipahatkan dina batu walungan kalayan wangunan alami nu ukuranana (±) luhur 51 x rubak 33 x kandel 4–19 cm.

EusiÉdit

Prasasti Galuh diwangun ku tilu jajar tulisan nu maké aksara sarta bahasa Sunda Buhun tanpa pananggalan. Tapi, tina wanda sarta wangunan aksarana, prasasti ieu ditorah asalna ti abad 14-15 Masehi (W.P.Groeneveldt 1887:383; G.P.Rouffaer l909: LXXXIX: N.J.Krom l914: 98-99). Batu dina bagian anu mangrupa awal tulisan pites antukna sabagian aksarana leungit. Transkripsi ringkes tina prasasti ieu dipigawé ku J.L.A.Brandes (l887: 383; 1913: 264). Eusina kacida ringkes sarta mangrupa candrasangkala (pananggalan anu disusun ku kalimah anu ngandung angka nu tangtu), nyaéta:

[wa]ra lolong
Mahisa
hire

Tempo ogéÉdit

RujukanÉdit

  1. Richadiana Kartakusuma (1991), Anekaragam Bahasa Prasastidi Jawa Barat Pada Abad Ke-5 Masehi sampai Ke-16 Masehi: Suatu Kajian Tentang Munculnya Bahasa Sunda. Tesis (nu diajéngkeun salaku sarat pikeun meunangkeun gelar Magister dina widang Arkéologi). Fakultas Pasca Sarjana Universitas Indonesia.