Pulpén
Pulpén nyaéta gagang péna anu dijieunna dieusi mangsi.[1] Pulpén asalna tina basa Walndana vulve anu hartina alat tulis, anu mangrupa péna anu tungtungna méncos anu aya gagangan anu eusina kantong tinta anu bisa dieusian deui.[2]
Sajarah jeung Kamekaran
éditMimitina pulpén téh bentukna dilengkepan ku kantong persisna abad ka-10.[2] Dina taun 953, khalifah Ma'ād al-Mu'izz ti Mesir aya kahayang yn péna anu teu ngotoran leungeun jeung baju.[2] Dina taun 1696 Daniel Schwenter salah saurang kabangsaan Jerman, nyieun péna anu ditungtungna aya bulu, jeung dina tanggal 25 Mei 1827 Rumania Petrache Poenaru urang Perancis munggaran nyieun pulpén kalayan kartrij anu bisa diganti.[2] Désain pulpén anu anyar ngababarikeun jalma pikeun nulis ku sabab moal ngarasa hariwang kotor jeung rusak kertasna alatan tintana teu ucrat-acrét.[2] Ti mimiti taun 1850-an, produksi pulpén jadi loba.[2] Sanajan pulpén jadi kasohor sanggeus ayana péna tina emas.[2] Dina taun 1880 nepi ka 1920-an pulpén mérek Waterman, produksi Amérika Serikat ngeuyeuban pasr pulpén jeung Wirt asal Bloomsburg, Pennsylvania urutan kadua.[2] Nalika éta, pulpén sawaréhna dieusian ku cara muka bagian gagang tinta, jeung ngeclakeun mangsi kana wadahna ku cara maké pipet.[2] Cara ngeusian tinta ieu kawilang hésé jeung teu rapih.[2] Abad ka-20, pulpén geus aya kamajuan teu saperti baheula deui anu cara ngeusian mangsina kawilang hésé, ieu téh jasana A. A. Waterman, Walter A. Sheaffer, jeung Parker.[2] taun 1929 di Éropa, anu ngawanohkeun pulpén nu munggaran asalna ti Jerman anu disebutna Pelikan.[2] Saencana pelikan meuli paten pikeun pulpén anu maké mangsina padet ti pabrik Slavoljub Penkala di Kroasia.[2] Pulpén mimitina diproduksi kalayan loba warna jeung modélna, sanggeus seluloida pulpén téh malapah gedang mimitina ngaganti karét pikeun gagang pulpén.[2] Duofold jeung Vacumatic ti Parker, sarta Pelikan 100 nyaéta modél-modél pulpén anu kasohor dina masa-masa antara Perang Dunia I jeung Perang Dunia II.[2] Sanajan geus kapanggih bolpén, pulpén masih kénéh loba nu maké dina taun 1940-an jeung 1950-an.[2] Bolpén masih mahal, jeung mangsina osok bocor atawa macét, sedengkeun téknologi mangsi geus loba diproduksi massal.[2] Modél-modél anu kawentar dina taun 1950-an nyaéta Parker 51, Snorkel ti Sheaffer, jeung Skyline ti Eversharp.[2] Dina taun 1960-an, téknologi bolpén mekar jeung ngagantikeun pulpén pikeun dipaké sapopoé.[2] Ayeuna, produsn pulpén anu msih kénéh aya nyaéta Montblanc jeung Pelikan leuwih loba nu ngagunakeun pulpén pikeun barang koléksi atawa simbol status dibandingkeun pikeun alat tulis.[2]