Républik Sosialis Féderatif Soviét Transkaukasus (Basa Rusia: Закавказская Советская Федеративная Социалистическая Республика – ЗСФСР, Zakavkazskaya Sovetskaya Federativnaya Sotsalisticheskaya Respublika – ZSFSR), kawanoh ogé salaku RSFS Transkaukasus, disingket RSFST, nyaéta hiji républik Uni Soviét, aya ti 1922 nepi ka 1936.[1] Wewengkonna ngawengku Géorgia, Arménia, jeung Azerbaijan, tradisionalna kawanoh salaku Républik Transkaukasus, kapisah ti Rusia ku Pagunungan Kaukasus.
Peta wewengkon Transkaukasus nalika jaman Soviét
Sajarah républik ieu bisa dipaluruh balik ka pameupeusan Kakaisaran Rusia dina 1917, nalika Révolusi Oktober, basa propinsi-propinsi Kaukasus misah sarta ngawangun nagara féderalna sorangan, Féderasi Transkaukasus. Silih sihung dina kapentingan nasional sarta perang jeung Turki ngarah ka peupeusna républik ieu saparo taun sanggeusna, dina April 1918.[1]
3 nagara panerusna aya nepi ka ahir perang sadulur Rusia di pagunungan, basa nagara-nagara éta dijieun Républik Soviét ku Tentara Beureum, sarta disusun deui dina hiji républik, Maret 1922.[1] Républik éta digabung ka nagara Soviét dina Déséember taun éta ogé. Dina 1936, républik ieu dipeupeus jeung dibagi kana RSS Géorgia, Arménia, sareng Azerbaijan.[1]
