Wikipédia

Rossa

panyanyi Indonesia

Rossa mibanda ngaran lengkep Sri Rossa Rosalina Handiyani, lahir di Sumedang, Jawa Kulon, 9 Oktober 1978.[1] Penyanyi anu ngahontal gelar sarjana ti jurusan FISIP Universitas Indonésia dina Pébruari 2002 ieu mangrupa penyanyi aliranna pop anu kungsi jadi pamajikan Yoyo, salah saurang anggota grup Band Padi, sarta meunang budak nu dingaranan Rizky Wiati Ramadan.[1]

Rossa
GumelarSri Rossa Roslaina Handiyani
9 Oktober 1978 (1978-10-09) (yuswa 45)
Sumedang, Jawa Barat, Indonesia
KabangsaanIndonesia
Alma materUniversity of Indonesia
PagawéanPanyanyi
Jangkungna155 cm
PasanganSurendro Prasetyo (m. 2004; div. 2009)
AnakRizky Langit Ramadhan
Karir musik
Aliran
Alat musik
Taun aktip1988 - ayeuna
Lébel
Tanda tangan
Situs web
rossaofficial.com

Karir édit

Saprak umur 10 taun, Rossa geus dirérét ku produser rékaman.[2] Sanggeus éta ngaluarkeun albeum barudak, nu judulna Untuk Sahabatku (1988).[2] Eusina lagu barudak anu musikna dipigawé Franky Sahilatua, James F Sundah, Uce F Tekol, Areng Widodo sarta Alex Lia.[1] Bakat nembangna mangrupa turunan ti indungna, Eni Kusmiani, nu keur ngorana aktif dina kagiatan tembang Cianjuran.[2] Karir Rossa, nu ceunah keur leutikna resep kana maén kaléci sarta langlayangan ieu bisa kaitung gancang.[2] Sabot masih kénéh sakola di SMUN 1 Sumedang, Rossa balik deui ngaluarkeun album laris, Nada-Nada Cinta (1996).[2] Albeum Rossa anu dijual ieu, bisa disebut suksés, nepi ka 200 rebu gebing.[2] Tangtuna, harita Rossa téh jadi dipikaresep babaturanna, manéhna minton di TV, sarta laguna jadi karesep di pantaran rumaja.[2] Sanggeus namatkeun SMU, Rossa menang kasempetan kuliah di FIKOM Universitas Indonésia sarta ayeuna geus menang gelar sarjana.[2] Eukeur panyusunan skripsina, Rossa milih téma ngeunaan hubungan wartawan, artis, sarta manajer artis.[2] Rossa ngaku yén manéhna resep lagu-lagu slow sarta lagu sedih.[2] Albeumna nu katilu, Tegar (2000) jieunan Melly Goeslaw, lagu kasebut ogé jadi téma lagu dina sinétron arahan Putu Wijaya, ''SUAMI, ISTRI DAN DIA'' nu dipintonkeun di stasiun TV, RCTI.[1] Hal éta nganteurkeun Rossa jadi salah sahiji artis anu super sibuk.[2] Mimiti suting, jadi béntang tamu di acara TV, acan paménta pikeun minton di sababaraha daérah.[2] Rossa ogé kungsi jadi wawakil Indonésia pikeun nuturkeun Féstival Musik Vietnam My Love, 26 - 29 Oktober 2000.[2] Kasuksesan karir solo Rossa nyieun manéhna dipercaya pikeun mawakeun soundtrack film réligi, Ayat-Ayat Cinta.[2] Dibantuan ku artis Melly Goeslaw, Rossa ngaluarkeun album OST Ayat-Ayat Cinta 2008.[2]

Pangajén édit

  • Best Female Artis (Anugerah Planet Muzik 2011)
  • Penyanyi pangalusna luar nagara, Anugerah Industri Muzik (AIM Award Malaysia) liwat lagu Ayat-ayat Cinta (3 Mei 2009)
  • Penyanyi solo awéwé SCTV Award (SCTV Award 2008)
  • Penyanyi pangalusna luar nagara, Anugerah Industri Musik (AIM Award) liwat lagu Terlalu Cinta (2008)
  • Penyanyi solo awéwé pangalusna, Anugerah Musik Indonésia (AMI Award) liwat lagu Ayat-Ayat Cinta (2008)
  • Penyanyi solo awéwé pangalusna, Anugerah Musik Indonésia (AMI Award) liwat lagu Kembali (2005)
  • Penyanyi solo awéwé pangalusna, Anugerah Musik Indonésia (AMI Sharp Award) liwat lagu Kini
  • Penyanyi solo awéwé pangalusna, Anugerah Musik Indonésia (AMI Sharp Award) liwat lagu Hati yang Terpilih
  • The Best Female MTV Indonésia (dimeunagkeun liwat lagu Tegar).[3]

Ruukan édit

  1. ↑ a b c d Kapan Lagi.com, Selebriti Indonesia(Diakses tanggal 22 Oktober 2011)
  2. ↑ a b c d e f g h i j k l m n o Rosidi, Ajip. Rosidi, Ajip. (2003) Apa Siapa Orang Sunda. Kiblat. Jakarta. Kaca 329
  3. ↑ Pangajén Préstasi Rossa Archived 2011-05-13 di Wayback Machine (Dicutat tanggal 23 Oktober 2011)
  Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.



 
 Artikel ini teu mibanda kategori. Pék bantuan Wikipedia pikeun nambahan kategori.
Tag ieu dipasangkeun dina April 2017.
Dicomot ti "https://su.wikipedia.org/w/index.php?title=Rossa&oldid=663033"