Séismométer (Basa Yunani: seismos: lini jeung metero: ngukur) nyaéta alat atawa sensor geteran, nu biasana dipaké keur ngadeteksi lini atawa geteran dina pabeungeutan taneuh. Hasil rekaman tina alat ieu disebut séismogram.

Prototip alat ieu diwanohkeun munggaran taun 132 SM ku matematikawan ti Dinasti Han nu ngaranna Chang Heng. maké alat ieu jalma-jalma jaman harita bisa nangtukeun ti mana arahna lini.

Ku kamekaran tehnologi mangsa kiwari, kamampuhan seismométer bisa ditingkatkeun, antukna bisa ngarekam geteran dina jangkauan frékuénsi nu cukup rubak. Alat kawas kieu disebut seismométer pita rubak.