Santri nyaéta anu keur dialajar di pasantrén salian ti éta istilah santri ogé ditujukeun pikeun jalma nu sok ngingilu dina kagiatan kaagamaan atawa ogé jelema nu sok nuturkeun Kyai.[1] Kecap santri hartina murid dina basa Jawa/basa Sunda asalna tina kecap “cantrik” (Sunda:Catrik) (Basa Sangsakerta, atawa mungkin basa Kawi) anu hartina jelema anu teu weléh nuturkeun guru.[2]

Santri di Madiun taun 1867

Istilah santri ogé kapanggih dina basa Tamil, anu hartina 'guru ngaji'.[3] Ana pon C.C Berg mah boga sawangan yén éta istilah santri téh asalna tina istilah “shastri”, anu dina basa India mah hartina jelema anu nyaho buku-buku suci agama Hindu atawa saurang sarjana ahli kitab suci agama Hindu.[2] Sakapeung sok dianggap minangka gabungan kecap saint (manusa hadé) jeung rarangkén tra (resep nulungan), jadi kecap pasantrén hartina bisa jadi tempat pangatikan jalma-jalma hadé.[3]

Aya ogé istilah santri kalong, nu ilahar dipasantrén, nyaéta sebutan pikeun santri nu ngilu diajar jeung ngaji tapi teu matuh cicing dipasantrén, ku sabab imahna deukeut jeung pasantrén.[4]

Kiwari Presidén geus nangtukeun poé santri nasional ping 22 Oktober. Jadi unggal kaping 22 oktober téh kiwari mah dipiéling jadi poé santri nasional.[5]

Tingali ogé édit

Rujukan édit

  1. Online, NU. "Siapa Santri Itu? Ini Penjelasan Rais ‘Aam dan Ketum PBNU | NU Online". nuonline (dalam en-GB). Diakses tanggal 2017-10-23.  Archived 2017-10-25 di Wayback Machine
  2. a b "Ngaguar Istilah Agama | nujabar.or.id". nujabar.or.id (dalam id-ID). Diakses tanggal 2017-10-23. [tumbu nonaktif]
  3. a b "Asal kata Santri dan Murid : Berasal dari Hindu? (I)". Dinul Islam News. http://www.dinulislamnews.com/2016/11/asal-kata-santri-dan-murid-berasal-dari.html. Diakses pada 2017-10-23 
  4. "Resmikan Pesantren Darurrahman, Menag Kenang Saat Jadi Santri Kalong". www2.kemenag.go.id. Diakses tanggal 2017-10-23. [tumbu nonaktif]
  5. Indonesia, CNN. "Di Balik Sejarah Hari Santri Era Jokowi" (dalam bahasa en). CNN Indonesia. https://www.cnnindonesia.com/nasional/20171020193024-20-249867/di-balik-sejarah-hari-santri-era-jokowi/. Diakses pada 2017-10-24