Sayur asem nyaéta salah saiji kadaharan nu asalna ti Sunda atawa Jawa Kulon.[1] Sayur asem mangrupa kadaharan nu geus ilahar dimasarakat.[1] Rasana nu seger, amis jeung haseum dipikaresep ku balaréa.[1] Kiwari mah sayur asem geus sumebar disababaraha daérah di Indonésia lain ngan saukur di Jawa Kulon.[1]

Numutkeun sajarahna mah sayur asem téh mimiti aya pas Indonésia keur dina kaayaan sagala kakurangan, sabab kitu, bungbu keur masakna ogé kawates ngan saukur maké buah asém jeung cabé, eusi sayuranna ogé rupa-rupa nu teu ilahar saperti daun tangkil, jagong, léjét, tangkil jsb.[1] Diaranan sayur asem téh ku sabab rasa sayurna nu haseum.[1]

Cara nyieunna édit

Bahan pikeun nyieun sayur asem di antarana, jagong amis, kacang panjang, tangkil, daun tangkil, léjét, bungbuna kawas asém, gula beureum, tomat, bawang bodas, uyah, tarasi.[2] Mimitina golakkeun cai, jeung bungbu nu tadi geus disebutkeun nepi kaambeu seungitna.[2] Tuluy abuskeun sayuran nu geus meunang nyiksikan leutik-leutik.[2] Golakkeun nepi ka sayuranna hipu, ulah poho abuskeun asém nu geus digeprék.[2] Antepkeun sakeudeng tuluy jait.[2]

Rujukan édit

  1. a b c d e f "Asal Usul Sayur Asem" (dalam bahasa en-US). ayobekasi.com. http://www.ayobekasi.com/asal-usul-sayur-asem/. Diakses pada 2017-10-25 
  2. a b c d e Eddy. "Resep Sayur Asem" (dalam bahasa en-US). CaraKhasiatManfaat – Kesehatan dan Gaya hidup Alami. http://www.carakhasiatmanfaat.com/artikel/resep-sayur-asem.html. Diakses pada 2017-10-25