Seminar
Seminar (ᮞᮨᮙᮤᮔᮁ )umumna mangrupa hiji wangun pangajaran akademis, boh di hiji universitas boh nu dibikeun ku hiji organisasi komérsial atawa profésional.[1] Kecap 'seminar' asalna tina kecap basa Latén "seminarium", anu hartina ‘’taneuh pikeu melak binih’’.[1][2]
Hiji kagiatan seminar biasana mibanda fokus kana hiji topk nu husus jeung anu haladir bisa milu partisipasi kalawan aktif.[1] Seminar mindeng dilaksanakeun ngaliwatan hiji dialog jeung saurang moderator seminar, atawa ku cara nepikeun hiji présentasi hasil panalungtikan dina wangun anu leuwih formal.[1] Biasana para pamilon téh lain saurang nu anyar dina topik anu didiskusikeun.[1] Sistem seminar boga gagasan anu leuwih ngaraketkeun pamilon kana topik anu dipedar.[1] Dina sababarhaa seminar ogé sok dilakukeun kagiatan tanya-jawab jeung debat.[1] Seminar mibanda sifat anu leuwih informal dibandingkeun sistem kuliah di kelas dina hiji pangajaran akademis.[1]
Di sababaraha universitas Éropa, hiji seminar téh bisa ngandung harti kelas kuliah anu gedé, hususna nalika dibawakeun ku ahli anu kamashur.[1] Rohangan seminar anu nyumponan nyaéta hiji rohangan anu ngamungkinkeun interaksi aktif sakumna pamilon seminar.[3]
Réferénsi
édit- ↑ a b c d e f g h i (id)Amir, dkk. 2007.Apresiasi Bahasa dan Seni. Bandung: FPBS UPI. Kaca 78-79
- ↑ (en) Seminarium: Latin to English (diakses 18 Oktober 2011)
- ↑ (id)Pengertian Seminar Adalah Archived 2011-05-10 di Wayback Machine (diakses tanggal 9 November 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |