Sistem
Sistem nyéta kumpulan dinu sub sistem atawa bagéan atawa komponén nanaon waé anu mangrupa fisik atawa non fisik anu saling boga hubungan hiji jeung nu sejéna jeung aya kerja sama pikeun ngahontal hiji tujuan nu geus di tangtukeun[1]. Contona awak urang ayeuna miboga sakumpulan bagéan nu tangtu atawa biasa nu di sebut organ, jiga samisalna leungeun, suku, otak, lambung anu di hubungkeun ku aliran darah jeung syaraf anu tungtungna jadi jaringan hirup[1]. Sistem awak ieu boga tujuan nyaéta “Hirup” [1].
Subsistem nyaéta bagéan dinu salah sahiji sistem anu bisa mangrupa fisik atawa non fisik
(abstrak)
. Subsistem di jero na boga deui subsistem nu leuwih leutik jeung saterusna anu biasa disebut unsur atawa komponen.[1].
Tujuan Sistem
éditTujuan sistem mangrupa target atawa sasaran pamungkas anu hayang di hontal ku éta sistem nu aya[1]. Sistem di ciptakeun ku sabab aya tujuana, sistem di jieun ngarah éta tujuan téh teu nyimpang anu akhirna bisa ngurangan résiko kagagalan.[1].
Tilu komponen sistem fungsi atawa subsistem nyaéta Input, proses jeung output[2]. Input nyaéta sagala nanaon waé anu asup kanu jero sistem, prosés nyéta parobahan dinu input tadi jadi output, ari Output nyaéta hasil dinu hiji prosés anu mangrupa tujuan dinu éta ayana sistem[2].
Dinu sistem aya anu disebut lingkungan sistem, lingkungan sistem nyaéta perkara-perkara di luar sistem anu bakal mangaruhan kanu éta ayana sistem[2]. Dua lingkungan sistem nyaéta lingkungan jero (internal) jeung lingkungan luar (eksternal) [1].