Skizofrénia

Skizofrénia nyaéta gangguan jiwa anu parna^[1]. Ieu panyakit ngalantarankeun jalma ngalaman halusinasi, délusi, boga pamikiran anu kacau, sarta robahna tingkah laku^[1]. Skizofrénia disababkeun ku héséna ngabédakeun kaayaan nyata anu didadasaran ku fakta jeung pikiranana sorangan^[1].

Kasang tukang

Nepi ka ayeuna, kasang tukang panyakit Skizofrénia can kapanggih^[2]. Tapi aya sababaraha factor anu jadi kasang tukang Skizofrénia, di antarana:

Faktor Génétik

Kulawarga anu boga kasang tukang pernah skizofrénia, miboga risiko 10% leuwih luhur pikeun ngalaman hal anu sarupa^[2]. Ieu risiko bakal ningkat jadi 40% nalika indung jeung bapana sarua miboga panyakit skizofrénia^[2].

Komplikasi nalika Hamil jeung Ngajuru

Skizofrénia bisa dilantarankeun nalika keur hamil, akibatna bisa ditinggali nalika budak lahir^[2]. Ieu kondisi dilantarankeun racun, virus, indung anu boga panyakit diabétes, jeung kakurangan nutrisi nalika hamil^[2].

Faktor Kimia dina Uteuk

Teu saimbangna serotonin jeung dopamin dina uteuk ngalantarankeun salah sahijina ningkatkeun risiko keuna panyakit skizofrénia^[2]. Éta hal mangrupa dua zat kimia anu miboga fungsi pikeun ngirimkeun sinyal dina sél-sél uteuk salaku bagéan tina neurotransmitter^[2].

Jalma anu boga panyakit skizofrénia miboga struktur jeung funsi uteuk anu béda. Hal-hal anu jadi béda di antarana:

Ventrikel uteuk ukuranana leuwih gedé^[2]. Ventrikel mangrupa bagéan tina uteuk anu eusina cairan^[2].
Lobus temporalis miboga ukuran anu leuwih leutik. Ieu hal patali jeung daya inget jalma^[2].
Sél-sél dina uteuk miboga kondisi anu leuwih saeutik^[2].

Risiko

Panyakit skizofrénia boga risiko leuwih pikeun rumaja jeung jalma anu rék nyangharepan yuswa 20 taun^[3]. Aya sababaraha risiko akibat panyakit skizofrénia di antarana:

Struktur uteuk jeung sistem saraf pusat teu normal^[3].
Faktor génétik ti kolot^[3].
Kakurangan oksigén jeung nutrisi^[3].
Lahir kondisi prématur^[3].
Ningkatkeun aktivasi dina sistim kekebalan tubuh^[3].
Teu saimbangna kadar serotonin jeung dopamin^[3].
Nyalahgunakeun obat anu dilarang^[3].

Gejala

Skizofrénia miboga dua gejala, nyaéta:

Négatif, tuwuh lantaran sikep jeung kamampuh anu dipiboga ku jalma normal^[4]. Contona, konséntrasi, pola istirahat, jeung motivasi pikeun hirup ngaleungit^[4]. Hal séjén anu dirasa nyaéta hésé pikeun gaul jeung batur^[4]. Ciri-ciri jalma anu keuna ku skizofrénia negatif nyaéta apatis, émosina goréng, teu maliré kana diri sorangan, sarta mindeng nyorangan^[4].
Positif, ngalantarankeun jalma jadi délusi, halusinasi, pikiran jadi kacau, sarta robahna tingkah laku^[4].

Diagnosis

Umumna dokter bakal ngalakukeun pamariksaan fisik heula^[1]. Lian ti éta, dilakukeun pamariksaan ka kulawarga^[1]. Diagnosis séjén dilakukeun tés darah, pamariksaan CT scan atawa MRI pikeun ngaleungitkeun sabab organik tina gejala skizofrénia^[1]. Contona, kawas tumor uteuk, atawa gagal metabolik anu miboga gejala halusinasi kawas skizofrénia^[1].

Cara Ngubaran

Skizofrénia bisa diubaran ku sababaraha cara, kawas ngombinasikeun obat-obatan ngaliwatan térapi psikologi^[1]. Obat anu dibéré nyaéta antipsikotik anu mangaruhan zat neurotransmitter dina uteuk^[1]. Éta obat mampuh nurunkeun rasa hariwang atawa nahan sangkan teu halusinasi^[1].

Cara séjén pikeun ngubaran skizofrénia nyaéta ku éléktrokonvulsif (ECT)^[1]. Ieu cara digunakeun ku méré aliran listrik éksternal ka uteuk^[1]. Kondisi jalma kudu geus di anastési sangkan teu sadar^[1]. Ieu cara digunakeun sangkan ngurangan éfék halusinasi^[1].

Daftar Référénsi

↑ ^a ^b ^c ^d ^e ^f ^g ^h ⁱ ^j ^k ^l ^m ⁿ "Skizofrenia". Alodokter. Diakses tanggal 2021-04-27.
↑ ^a ^b ^c ^d ^e ^f ^g ^h ⁱ ^j ^k "Gangguan Skizofrenia dalam Dunia Medis". Bethsaida Hospital (dalam en-US). Diakses tanggal 2021-04-27. Archived 2021-04-27 di Wayback Machine
↑ ^a ^b ^c ^d ^e ^f ^g ^h "4 Faktor Risiko Skizofrenia yang Tidak Banyak Diketahui • Hello Sehat". Hello Sehat (dalam id-ID). Diakses tanggal 2021-04-27.
↑ ^a ^b ^c ^d ^e "Skizofrenia | Tanda dan Gejala, Penyebab, Cara Mengobati, Cara Mencegah". SehatQ (dalam Indonesian). Diakses tanggal 2021-04-27. Archived 2021-04-27 di Wayback Machine

[:0-1] ↑ ^a ^b ^c ^d ^e ^f ^g ^h ⁱ ^j ^k ^l ^m ⁿ "Skizofrenia". Alodokter. Diakses tanggal 2021-04-27.

[:1-2] ↑ ^a ^b ^c ^d ^e ^f ^g ^h ⁱ ^j ^k "Gangguan Skizofrenia dalam Dunia Medis". Bethsaida Hospital (dalam en-US). Diakses tanggal 2021-04-27. Archived 2021-04-27 di Wayback Machine

[:2-3] ↑ ^a ^b ^c ^d ^e ^f ^g ^h "4 Faktor Risiko Skizofrenia yang Tidak Banyak Diketahui • Hello Sehat". Hello Sehat (dalam id-ID). Diakses tanggal 2021-04-27.

[:3-4] "Skizofrenia | Tanda dan Gejala, Penyebab, Cara Mengobati, Cara Mencegah". SehatQ (dalam Indonesian). Diakses tanggal 2021-04-27. Archived 2021-04-27 di Wayback Machine

[1]

[2]

[3]

[4]