Sukur Pesisiran

Sukur Pesisiran nyaéta upacara tradisional anu diayakeun ku masarakat pamayang basisir kidul hususna di wewengkon Cianjur kalawan maksud jeung tujuan minangka ugkapan rasa sukur ka Pangéran anu Maha Ésa kana ni’mat anu geus dibéré. Ieu upacara téh waktu dilaksanakeunana teu matuh, gumantung kana waktu nu hadé. Kadang-kadang acarana téh dibarengkeun jeung Hadi jadi Kota Cianjur atawa Hari Kemerdékaa Indonésia. Tempat pikeun ngalaksanakeunana gé teu matuh di salah sahiji basisir, di wewengkon Pakidulan Cianjur kadang-kadang dilaksanakeun di Basisir Apra, Basisir Sérég, Basisir Jayanti atawa di Basisir Batu Kukumbung.

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.