Tanda Titik dipaké dina loba konteks jeung basa, umumna minangka pamisah antar kalimah. Tanda titik téh saprakna mah nyaéta tina sistim tanda baca Yunani nu diwanohkeun ku Aristophanes ti Byzantium dina abad ka-3 SM. Harita mah aya sagonjokkan titik-titik anu panempatanna téh geus ditangtukeun maknana. Namung kiwari mah tanda titik téh minagka ciciri yén tulisan nu dibaca téh kudu eureun.^[1]

Pamakéan jeung Panempatan Tanda Titik

Tanda Titik dipaké dina tungtung kalimah nu lain pananya atawa panyeru.^[2]
Misalna:
Pun lanceuk dumukna di Cimahi
Tanda Titik dipaké ditukangeun angka atawa hurup dina hiji bagan, ikhtisar atawa daptar.^[2]
Misalna:
A. Sajarah ti Jawa Kulon
1. Sajarah Bandung

2. Sajarah Sukabumi
a. ....

Catetan:

Tanda titik ulah dipaké ditukangeun angka atawa hurup dina hiji bagan atawa daptar lamun angka atawa hurup éta téh mangrupa angka atawa hurup panungtung dina jajaran angka atawa hurup téa.
Tanda Titik dipaké pikeun misahkeun angka jam, menit, jeung detik anu nunjukkeun wanci.^[2]
Misalna:
Jam 01.35.20 (Jam 1 leuwih 35 menit 20 detik)
Tanda Titik dipaké pikeun misahkeun angka jam, menit, jeung detik anu nunjukkeun lilana wanci.^[2]
Misalna:
0.20.30 (20 menit 30 detik)
Tanda Titik dipaké pikeun misahkeun angka rébuan atawa kalipetannana.^[2]
Misalna:
Anu ngecrik di sétu téh meunang 12.000 siki lauk.
Tanda Titik dipaké pikeun misahkeun subdomain jeung domainna dina ngaran url.^[3]
Misalna:
www.wikipedia.org

su.wikipedia.org
Tanda Titik dipaké pikeun misahkeun ngaran pail (File) jeung kode jinis pailna.^[3]
Misalna:
dokumén.docx

lalaguan.mp3

Rujukan

↑ Wikipedia, The Free Encyclopedia: Full Stop
↑ ^a ^b ^c ^d ^e Divisi Akademik Bintang Pelajar. Suplemen PTN Favorit: IPS. Bogor: Bintang Pelajar. 2008
↑ ^a ^b Wikipedia Bahasa Indonesia: Tanda titik

[1] Wikipedia, The Free Encyclopedia: Full Stop

[Hiji-2] Divisi Akademik Bintang Pelajar. Suplemen PTN Favorit: IPS. Bogor: Bintang Pelajar. 2008

[dua-3] Wikipedia Bahasa Indonesia: Tanda titik

[1]

[2]

[3]