Tujuh Bulanan
Tujuh Bulanan nyaéta salametan nu kakandungan tujuh bulan.[1] Biasana nu keur kakandungan dimandian cai tujuh rupa.[1] Lian ti éta sok nyieun rurujakan, rujak bebek. Rujakna tuluy dijual, ari duit jang pameulina ku talawéngkar (sesemplékan kenténg atawa gagarabah). Engkéna duduitan lading rujak ku nu kakandungan dipiceun ka parapatan jalan. Cenah, lamun rujakna lada, anakna pasti lalaki. Upama semu amis, awéwé.[2]
Lian ngarujak bebek, bapana orok nu dikandung ngagambaran dawegan kalapa konéng, maké peso méncos atawa paku.[1] Biasana gambar wayang Arjuna atawa Subadra. Kudu dawegan konéng, supaya kulit anakna engke konéng. Dawegan dibeulah dua ku bapana orok nu dikandung. Upama beulahna sarua, pasti anakna kasép atawa geulis. Munlalaki kembaran Arjuna, upama awéwé kembaran subadra.[2]
Rujukan édit
- ↑ a b c Sholikhin, Muhammad (2010). Ritual dan tradisi Islam Jawa: ritual-ritual dan tradisi-tradisi tentang kehamilan, kelahiran, pernikahan, dan kematian dalam kehidupan sehari-hari masyarakat Islam Jawa. Jakarta: Penerbit Narasi. p. 78. ISBN 9789791682053. Diakses tanggal 14 Februari 2020.
- ↑ a b Subagjo, Wisnu (1995). Proses dan Strategi Adaptasi Sosial Masyarakat Rumah Susun (Rumah Susun Ilir Barat, Palembang dan Rumah Susun Kebon Kacang, Jakarta). Jakarta: Direktorat Jenderal Kebudayaan. p. 107. ISBN 9789790061422. Diakses tanggal 14 Februari 2020.
- Rosidi,Ajip.2007.Pamager Basa.Bandung:Geger Sunten
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |