Walt Disney
Walt Disney nyaéta raja multimedia dina widang animasi[1]. Mangjuta-juta barudak di dunya pasti teu bireuk deui jeung tokoh animasi Donald Bébék jeung Mickey Mouse ogé Gufi[1]. Mimitina tina film kartun, Kerajaan Disney kiwari jadi leuwih lega deui ambahanan ngaliwatan rupa-rupa produk ti mimiti film TV nepi ka Disneyland[1]. Ngaran Walt Disney kacatet maké tinta emas di dunya hiburan husuna barudak[1].Manéhna nyieun tokoh kartun Mickey Mouse jeung Donald Bébék anu geus kawéntar di saalam dunya, nyieun film animasi anu rada panjang, ngawangun stasiun TV anu dingaranan Disney Channel, nepi ka nyieun taman hiburan Disneyland anu ngaeksploitasi fantasi manusa[1].
Pausahaan multimedia Disney kiwara jadi jawara di dunya hiburan moderen ku ayana produk-produk anu rupa-rupa jeung sukses. ku ngan saukur ningali aya merk Disney lolobana jalma percaya yén éta produk miboga kualitas anu hadé jeung bisa ngahibur. Ku ayana brand anu sakitu kuat jeung midunya, disney barobah jadi pausahaan media anu panggedéna di dunya. Penjualan Disney per taun bisa nepi ka 22 milyar dollar AS. Produkna rupa-rupa ti mimiti film kartun animasi, film layar lebar, souvenir, media televisi nepi ka pernak-pernik séjénna[1].
Walt Disney lahir 1901 di Chicago Illionis AS tuluy wafat di Los Angeles California taun 1966, ngaran aslina nyaéta Walter Elias Disney[1]. Nalika keur leutikna manéhna teu sabungah tokoh animasi anu dijieunna[1]. Manéhna sakola di Sekolah Seni Chicago jeung Kansas Missouri AS[1]. Mimiti bisnis nalika muka studio film kartun di Holywood taun 1923[1]. Bapana Elias sering gonta-ganti pagawéan tapi gagal waé[1]. Walt Disney indit ti imahna nalika umurna 16 taun anu ngagabung jeung Korp Ambulans Palang Merah salila Perang Dunia I[1]. Walt pernah ngalaman mangsa-mangsa anu hésé anu ngajadikeun manéhna jadi pebisnis anu hébat[1].
Antara taun 1926 jeung 1928 Disney ngaproduksi serial kartun Oswald The Rabbit jang di produksi di Universal Picture[1]. Sabada éta taun 1928 manéhna ngaproduksi Steamboat Willie di Studio film anu diwangun ku manéhna sorangan[1]. Film ieu mangrupa film kartun munggaran anu maké sora nu geus disinkronisasi[1]. Awal taun 1928 tokoh Disney anu pangpolulérna nyaéta Mickey Mouse mimiti diwanohkeun dina film kartun Plane Crazy[1]. Tokoh Mickey Mouse meunang aprésiasi anu luhung salaku gambaran urang Amerika anu teu éléhan[1].
Taun 1930-an Disney gawé bareng jeung Technicolor nyieun film berwarna anu judulna Flowers and Trees [[1932 anu suksés[1]. Tuluy Disney nyieun film panjang munggaranana Snow White and Seven Dwarfs anu ogé bisa ditarima ku masarakat jeung bisa ngirut masarakat[1].Disagédéngeun éta film Pinocchio jeung Fantasia jadi leuwih mekar tina segi inovasi téhnik[1]. Antara taun 1950-1960, Walt Disney Productions Ltd, jadi produsén anu pangpentingna jang téater jeung TV ogé penerbitan[1]. Walt Disney ogé ngawangun hiji taman hiburan nu panggedéna di Amerika Serikat Disneyland taun 1955 anu nepi ka ayeuna tingkat popularitasna can bisa ka éléhkeun ku nu séjén[1].Disneyland mintonkeun rekonstruksi, paméran, jeung sajarahna anu jadi daya irut jang para turis[1]. Disneyland geus jadi rékayasa imajinasi di mana kaéksotisan, makhluk-makhluk anu berbahaya,tempat jeung fantasi bisa diproduksi[1]. Sukses Disneyland tuluy diiluan ku dibukanan Disney World di Orlando Florida taun 1971[1].Disney wafat ku sabab kakeunaan panyakit kangker taun 1965[1].
Rupa-Rupa Bisnis Walt Disney édit
Disney Parks & Resorts édit
Istana Cinderella anu tadina ngan saukur aya dina angen-angen, tapi taun 1955 bener-bener aya wangunna sacara nyata jeung bisa dicabak ku barudak lantaran Walt Disney Imagineering (WDI) anu dibentuk taun 1952[2]. Karya munggaranna nyaéta istana di Disneyland Anaheim California, tuluy Walt Disney World Resort di Lake Buena Vista, Florida, anu dituluykeun ku Tokyo Disney Resort, jeung Uruyasu Chiba[2].
Studio Entertainment édit
Bisnis Studio Entertaintment nyaéta fondasi The Walt Disney Company dibangun[2]. Ti dieu gelar film animasi jeung film ceritera anu séjénna anu dimimitian ku film klasik Mickey Mouse, Snow White and the Seven Dwarfs nepi ka kiwari kayaning digital animasi mutakhir The Incredibléa[2].
Media Networks édit
Dua bagéan tina bisnis raksasa Disney anu teu béda pentingna nyaéta konsumer produk jeung media network[2]. Bisnis konsumer produk Disney dimimitian ti 1929 nalika merchandise tokoh Mickey Mouse muimiti dipikaresep[2]. Merchandise anu mimitina ngan saukur dipaké jang tilam méja tulis jang barudak ayeuna mekar jadi pakéan, coco'oan barudak, dékorasi imah nepi ka buku, games, kadaharan jeung kainuman, barang-barang éléktronik nepi ka barang-barang seni[2].
Referensi édit
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |