Wikipedia:Kasalahan umum
(dialihkeun ti Wikipédia:Kasalahan umum)
Wikipédia mangrupa proyek balaréa pikeun ngawujudkeun énsiklopédi nu pangmunelna dina sakabéh basa di dunia, kaasup Basa Sunda. ku kituna, hayu babarengan jeung nurut kana sababaraha aturan ngeunaan Wikipédia di handap ieu.
Wikipédia téh lain:
- Kamus. Cikan tuliskeun artikel anu rada munel. Kamus ayana di proyek Wiktionary.
- Bulletin board atawa tempat neundeun pesen. Cikan tulis artikel anu boga harti, ulah nulis pesen-pesen nu ngawur. Pikeun coba-coba, gunakeun tempat ngotrét.
- Rohangan chat. Wikipédia lain tempat pikeun ngobrol, kaca sawala lain pikeun maksud éta.
- Tempat nyimpen data. Pakakas Wikipedia aya watesna, ku kituna kudu dijaga munel jeung éfisien.
- Portal warta. Wikipédia utamana mangrupa ensiklopédi, jadi cutatkeun warta aktual saperluna, teu kudu loba teuing, cukup nu ngawakilan. Pikeun warta, sabenerna aya Wikinews.
- Porum pulitik. Kami di Wikipédia ngajungjung hak kabébasan ngungkapkeun pamadegan, namung ensiklopédi kudu nétral jeung inpormatip, lain persuasip.
- Tempat dakwah. Kami di Wikipédia ngajungjung hak kabébasan ngagem ageman jeung ngalakukeun ibadah. ku kituna, urang silih ngahormat kabébasan batur. Saupama aya artikel patali jeung ageman, coba ngagunakeun sikep nu netral.
- Tempat iklan. Ulah ngiklankeun hiji produk di Wikipédia. Pamaké bisa nyutatkeun tumbu (link) dina halaman ngeunaan hiji produk, namung teu kudu kaleuleuwihan tur tetep nétral.
Panutup, Wikipédia Basa Sunda diayakeun pikeun lain pikeun urang Sunda wungkul, namung pikeun saha waé nu ngagunakeun Basa Sunda. Hatur nuhun..