Buka ménu utama

Sok sanajan pamakéan logo pohara gunana pikeun nulungan dina nuduhkeun yén hiji artikel téh aya patalina jeung pausahaan pamilik éta logo, patalianna antara pausahaan-pausahaan jeung logona éta téh bisa jadi jejer nu sénsitif pikeun pausahaan-pausahaan tinangtu nu kudu disanghareupan sangkan ati-ati.

Alesan pamuatan hiji logo kana énsiklopédi sarua siga ngawuwuhkeun foto diri, minangka conto, Rano Karno atawa Krisdayanti. Hésé pikeun ngajéntrékeun ciri diri ari tanpa poto mah, pirakuna kudu dijéntré "Rano Karno anu mibanda karang jadi dina lebah katuhu gadona sarta miara kumis ngajegir...". Saéstuna kurang pati éféktif mun ditulis samodél kitu, ku kituna kalolobaan pamaké ngarasakeun mangpaatna mun hiji artikel diwuwuhan foto. Sok sanajan kitu, teu siga foto jalma, anu gampang pisan nyomotanana kalawan bébas dina internét, demi logo pausahaan mah umumna sok ditangtayungan ku hak cipta atawa hak mérek dagang. Ku kituna, pamakéan logo kudu nurutkeun palanggeran pamakéan anu adil Wikipédia.

Ari di Indonésia, pamakéan logo di Wikipédia nurutkeun aturan dina Undang-Undang Nomor 28 Tahun 2014. Sarupaning logo bisa dibagi jadi dua dumasar lisénsina, nyaéta logo domain umum jeung logo pamakéan wajar.

Katangtuan hak ciptaÉdit

Ngunjal berkas nonbébasÉdit

Logo pausahaan, atawa badan hukum bisa bijil dina artikel Wikipédia, tapina kudu dipikanyaho, mun mibanda hak cipta, éta jadi tanggung waler jalma anu ngunjal logona ku ngabuktikeun yén éta logo téh ditangtayungan ku hak cipta sarta minuhan kana Katangtuan Pamakéan Wajar. Logo anu diunjal kudu résolusi landeuh sarta teu meunang leuwih luhur ti éta. Dina kaca pedaranna, kudu ngawuwuhkeun pedaran anu lengkep sarta citakan lisénsi {{logo}}. Sarua siga katangtuan pamakéan wajar, URL tempat éta logo asalna ogé mangpaat pisan pikeun nulungan batur dina mérifikasina boh status boh panyekel hak cipta, sarta kaauténtikan éta logo. Citakan hak cipta gambar wajib diwuwuhkeun kana sakumna gambar kana logo nu mibanda hak cipta, umumna mah dibéré tag {{logo}}. Teu perlu nuliskeun pamundutan idin resmi tinulis ti panyekel hak cipta dina migunakeun logo, lantaran dilisénsikan di handapeun pamakéan wajar, sarta teu méré pangaruh yén éta logo patalian jeung Wikipédia atawa ngarojong Wikipédia atawa artikel tempat éta logo diwuwuhkeun, ogé teu nimbulkeun pangaduan ku alesan tinangtu ku pamilik hak cipta.

  Ieu mangrupakeun gambar logo nu disalindungan ku undang-undang jeung/atawa geus nyalindung kana aturan hak cipta. Nurutkeun undang-undang hak cipta Amérika Sarikat, logo-logo meunang dipaké di Wikipédia dina aturan fair use. Migunakeun logo di dieu teu nandakeun ngesahkeun kana perusahaan ku Wikipédia atawa Yayasan Wikimedia, jeung ogé sabalikna. Tempo Wikipedia:Logo jeung Wikipedia:Hak cipta.

Logo bébas hak ciptaÉdit

 
Logo Coca-Cola anu dileupas kana domain umum tapina ditangtayungan ku Undang-Undang Hak Mérek.

Sanajan kalolobaanna mah logo téh ditangtayungan hak cipta sarta pamakéanna kudu diaawas, aya sawatara alasén naha hiji logo bisa bébas hak cipta

  1. lantaran tanggal publikasina: mun logo dipedalkeun saméméh 1923, éta logo bisa dileupas kana domain umum.
  2. lantaran logo ngan mangrupa tulisan hungkul: jadi logo anu ngan kawengku tina hurup-hurup ti rupa-rupa tinangtu jeung bébas hak cipta.
  3. lantaran logo ngan kawengku ku wangun datar basajan, atawa gabungan saderhana tina wangun datar jeung téks.

Inget, logo masih kénéh ditangtayungan ku hak mérek sok sanajan lain mangrupa hak nu patalian jeung hak cipta. Anjeun bisa ngunjal logo anu bébas tina hak cipta ka Wikimedia Commons supaya bisa dipaké pikeun sakumna proyék Wikimédia, anu keukeuh kudu merhatikeun kana status hak mérek nu napel kana éta logo.