Wikipedia:Pituduh (cara ngedit)
| Wawanohan | Ngédit | Ngatur Format | Tutumbu | Berkas/Gambar | Ingetkeuneun | Kaca Obrolan | Kaca Pamaké | Miluan Daptar |
Ngédit Artikel
Ieu mangrupa fitur wiki anu pangdasarna tina sakumna: Édit sumber. Kalawan aya iwalna dina sababaraha kaca anu dikonci, unggal kaca wiki boga tutumbu (link) anu tulisanana “Édit sumber”. Ieu tutumbu bakal ngamungknkeun Anjeung sangkan bias ngaropéa (ngédit) éta kaca. Hiji situs anu dina éta situs bisa diédit eusina ku saha baé, disebut wiki. Pék cobaan klik ieu tutumbu kotrétan, tuluy klik Édit sumber. Anjeun bakal ningali kodeu wiki éta kaca. Tambahkeun tulisan naon baé (bébas), tuluy klik tombol “Simpen”, tuluy tingali naon anu geus dipigawé ku Anjeun.
Témbongkeun sawangan
Hiji fitur penting pikeun ngédit nyaéta Témbongkeun sawangan. Cobaan sakali deui ngaropéa kotretan, tuluy klik tombol Témbongkeun sawangan. Ieu ngamungkinkeun anjeun pikeun ningali kaca sabada dirobah atawa diédit ku Anjeun, saméméh bener-bener disimpen. Maké Témbongkeun sawangan saméméh nyimpen kaca ogé ngamungkinkeun Anjeun ningali parobahan format atawa éditan séjénna tanpa minuhan daptar sajarah kaca (vérsi saméméhna), sarta sajumlah kauntungan séjénna. Tapi ulah poho, sabada éta, klik tombol Simpen lamun geus réngsé. Lamun henteu, éditan Anjeun bakal leungit. Hadéna mah Anjeun nyieun ogé cadangan dina computer Anjeun, misalna maké software pangolah kecap pikeun nyingkahan hal-ha ani teu dipikahayang, misalna ujug-ujug logout, koneksi pegat, atawa pareum lampu.
Ringkesan
Saméméh Anjeun neken tombol Simpen, disarankeun pisan keur nulis ringkesan ngeunaan éditan atawa parobahan anu geus dipigawé dina kotak Ringkesan anu perenahna di antara jandela edit jeung tombol Simpen atawa Témbongkeun sawangan. Tulis ringkesan pondok; misalna lamun Anjeun ngan nulis typo, jalma séjén bakal nyaho yén Anjeun geus migawé parobahan leutik ngeunaan koréksi tata panulisan (tipografi), atawa parobahan leutik liana.