Albino
Albino ( asalna ti Bahasa Latin albus, "putih"; atau dalam Bahasa Indonesia: Bulai), mangrupa salah sahiji kalainan bawaan hipopigmentasi nu disababkeun ku kurangna atawa teu miboga pigmen melanin di kulit, mata, jeung rambut.[1][2] Melanin nyaéta pigmen nu diproduksi ku sel nu dikenal salaku melanosit dina kulit sato atawa manusa. Jalma nu katarajang ku panyakit ieu disebutna Albinisme.[2]
Nu Nyababkeun Albino
éditDina kaayan normal, asam amino nu disebut tirosin ku awak diubah jadi pigmen (zat warna) melanin.[1] Albinisme téh lumangsung waktu awak urang teu mampu ngahasilkeun atawa teu bisa nyebarkeun melanin ku sabab sababaraha alesan.[1] Sacara husus, kalainan metabolisme tirosin ngakibatkeun gagalna dijieunna melanin nu ngabalukarkeun albinisme.[1] Albinisme diturunkeun ngaliwatan sababaraha pola, nyaéta résésif autosom, dominan autosom atau C-linked.[1]
Gejala Albino
éditAlbino komplit lumangsung mun teu aya pisan pigmen melanin di buuk, panon jeung kulit disebut ogé (albinisme okulokutaneus teu ngandung tirosin), nepi ka buukna bodas, panonna semu kayas, kulitna pucet.[1][2] Mangrupakeun wanda albino nu paling parna. Albinisme miboga kulit jeung iris panon nu warnana bodas, jeung teu pati jelas nempona.[1] Nu albino gé biasana jadi fotofobia (sieun ku panon poé) jeung gampang ngarasa kapanasan ku panon poé sarta bisa katarajang ku kanker kulit ku sabab teu miboga pigmen melanin nu pungsina nngalindungan kulit.[1] Albinisme okuler nyaéta albino nu narajangna ngan saukur dimata. Warna kullitna mah normal ciga biasana, jeung warna mata na ogé masih kawilang normal., tapi hasil pamariksaan retina nunjukeun yén retina na teu miboga pigmen .[1]
Gejala Albinisme komplit
éditAlbinisme komplit miboga ciri diantarana:[1]
- gerakan mata nu gancang pisan (nistagmus)
- Matana téléng atawa strabismus (ind: juling)
- Turun seukeutna panempo
- Panonna lolong.
Ubar pikeun Albino
éditPikeun ngubaran albino, kulit jeung mata kudu dijaga ti sinar panon poé kucara maké kaca mata anti UV pikeun ngabantu ngungkulan fotofobia.[1] Résiko ruksakna kulit kulit ku panasna panon poé bisa dikurangan ku cara nyingkahan cahaya panon poé sacara langsung, maké tabir surya nu ngandung SPF (sun protection factor).[1]