Wikipédia

Ardian Syaf

Artikel ieu keur dikeureuyeuh, punten tong waka diédit atawa dirobah eusina.

Ardian Syaf (gumelar di Tulungagung, 13 Januari 1980) atawa Aan nyaéta ilustrator komik nu kasohor boh di Indonésia atawa di mancanagara. Munggaran manéhna kairut didunia komik téh ku sabab basa baheula bapana pernah meuli komik keur manéhna, tidinya manéhna mimiti resep kanu komik.[1]

Ardian Syaf
Gumelar13 Januari 1980 (1980-01-13) (yuswa 44)
Tulungagung, Jawa Wétan, Indonesia
PadumukanTulungagung, Jawa Wétan
KabangsaanIndonésia Indonésia
KawarganagaraanIndonésia Indonésia
PagawéanJuru gambar komik
Dipikawanoh salaku/lantaranJuru gambar komik

Kasang Tukang

édit

Munggaran wanoh jeung komik basa manéhna cicing dikelas hiji. Bapana sok remen mang meulikeun Aan komik, ti harita manéhna sok ngahaja ngeusian TTS atawa Teka Teki Silang di Majalah Bobo sarta meunangkeun komik munggaranna ku sabab sok ngirimkeun eusian TTS (Teka Teki Silang) éta. Ti saprak harita manéhna miboga cita-cita pikeun jadi komikus atawa jalma nu sok nyieun komik. Hal éta ogé jadi inspirasi pikeun manéhna ngamekarkeun élmu diwidang komik.[2]

Lalampahan

édit

Sanggeus tamat ti SMA manéhna tuluy neruskeun kuliah di Universitas Negeri Malang kalayan nyokot jurusan Desain Komunikasi Visual. Kolotna pernah ngarasa ringrang sarta teu yakin ku jurusan nu dipilih ku Aan, lian ti éta ogé, jurusan Desain Komunikasi Visual masih kénéh ahéng sarta teu lumrah dina wanci harita.[2][3] Sanggeus tamat kuliah di taun 2004, Aan geus ngalamar gawé kamamana tapi can aya nu hasil ogé. Harita baturna méré kamandang pikeun nyieun akun di digitalwebbing.com. Sanggeus dua taun jadi anggota, manéhna masih can meunang gawéan nu dipiharep.[2] Munggaran naratas karirna salaku penciller nu tu dibayar, disababaraha penerbit di dunya. Kungsi dibayar ngan US$25/halaman komik, harga nu kaitung leutik pikeun pagawean penciller, nu tuluy meung pagawéan di salah sahiji koran lokal jeung panerbit buku pelajaran salaku layouter.[2] Dina taun 2007 manéhna meunang tawaran ti Dabel Brothers Publishing asal Amérika Serikat salaku penciller pikeun komik Dresden Files: Welcome to the Jungle, sarta panggih jeung panulis naskah asal Irlandia, Catie ti saprak harita gawéan meunang manéhna mimiti ditinggali ku publisher kelas dunya, Marvel jeung DC Comics. Taun 2009 Aan mimiti dikontrak ku Marvel jeung DC Comics, manéhna dipercaya pikeun jadi penciller di komik Superman, Batman, Wonder Woman, Batgirl, nepi ka Green Lantern dina sababaraha seri.[2][4]
Sok sanajan gawé pikeun komik asing, Aan mineng pisan ngasupkeun unsur-unsur Indonésia ka komikna.[5]

Kusabab Ardian nyieun hiji kasalahan nu fatal, nyaéta ngabuskeun pamanggih pribadi kana karyana, Marvel Comics méré snagsi pikeun ngeureunkeun Ardian, kaputusan ieu sacara resmi ditarima ku Ardian ngaliwatan surélék (surat éléktronik) poé senen tanggal 10 April 2017. Sanajan kitu, manéhna ihlas narima sagala kaputusan éta, sanajan aya rasa handeueul tapi manéhna bisa nyokot palajaran nu hadé ti éta kajadian. Sanggeus dieureunkeun ku Marvel Comics, loba tawaran gawéan datang ka manéhna, ti perusahaan Indonésia boh luar nagari kayaning Amérika Serikat nepi ka Timur Tengah, sok sanajan kelasna sahandapeun Marvel Comics.[6]

Kontrovérsi

édit

Ardian atawa nu dipikawanoh Aan kungsi nuieyn gempar masarakat Indonésia, harita manéhna kungsi ngabuskeun gambar Presiden Jokowi di Komik Batgirl #1. Manéhna nampilkeun gambar baliho kampanyeu Jokowi-Ahok wanci Pilkada DKI Jakarta nu maké latar Kota Jakarta.[4] Lian ti éta, dina taun 2017, manéhna nyieun gempar masarakat Indonésia ku lantaran ngabuskeun unsur politik sarta SARA di komik X-Men Gold #1 karyana. Ardian nulis "QS: 5:51"" dibaju salah saurang tokoh mutan di éta komik, tuluy ngagambar "212" salaku palang toko dilatar carita.[7] Editor komik jeung pambaca ti luar nagari teu sadar yén kaduana éta mangrupa rujukan nu ngacu kana polemik kasus panistaan agama ku salah sahiji calon gubernur dina Pilkada DKI Jakarta 2017. "QS: 5:51"ngarujuk kana Surat Al-Quran, sadengkeu "212"nyaéta singgetan tanggal wanci démontrasi lumangsung di Jakarta nu dihadiran ku Ardian.[8] Sanajan teu kanyahoan ku pambaca ti luar nigari, loba pisan pambaca komik Indonésia nu sadar éta hal. Loba réaksi nu datang dimédia social sanggeus sadar yén dikomik éta ngandung unsur SARA. Salaku pambaca komik, loba pisan nu nganggap yén Ardian geus teu professional ku lantaran nyelipkeun pamanggih pribadi nu ngandung unsur SARA dina karyana. Salian ti lobana koméntar nu datang, loba ogé pihak nu ngalaporkeun kajadieun ieu ka DC Comics. Aya ogé komikus asal Indonésia nu sarua gawé di Marvel ngiluan koméntar ngeunaan ieu hal, Ario Anindito, sanajan manéhna resep ka karya Ardian Syaf, tapi ceuk Ario, éta hal nunjukkeun teu profésionalna Ardian Syaf. [7][8][9]

Teu lila ti kajadian éta, Marvel ahirna nyieun kaputusan yén pihakna bakal méré sanksi disiplinér pikeun Ardian. Kaputusan ahirna nyaéta Ardian diikaluarkeun ti éta perusahaan sarta komik-komik nu geus kajual jeung sumebar bakal ditarik jeung gambar nu ngandung unsur SARA bakal dileungitkeun ti éta komik, boh komik vérsi cetak atawa vérsi digital. Surat pamecatan Ardian dikirim ngaliwatan surélék atawa surat élektronik ti Marvel langsung. Manéhna geus usaha pikeun ngajelaskeun yén manéhna teu anti yahudi tapi pihak Marvel teu dibéré kasempetan pikeun ngajelaskeun musabab kunaon ngabuskeun unsur SARA kana karyana.[9][10][11]

Ti saprak harita manéhna ngarasa yén kaputusan manéhna nu ngabuskeun symbol éta bakal jadi masalah gedé. Mimitina mah mnéhna teu nyangka bakal ngabalukarkeun masalah gedé nepi ka dipecat, ku sabab niatna mah ngan hayang ngabadikeun kenangan manéhna basa ngilu aksi damai ngaprotés Basuki Tjahja Purnama atawa Ahok di Jakarta, 2 Désémber 2016.[9][12]


Rujukan

édit
  1. ↑ Khoiri, Agniya. "Ardian Syaf, Komikus Tulungagung Pemikat DC Comics dan Marvel". hiburan (dalam id-ID). Diakses tanggal 2020-01-11. 
  2. ↑ a b c d e Andrall. "Kisah Ardian Syaf. Meski Sering Dikira Pengangguran, Ternyata Hasil Karyanya Sudah Diakui Dunia!". Hipwee (dalam id-ID). Diakses tanggal 2020-01-18. 
  3. ↑ Media, Kompas Cyber. "Menelusuri Karier Ardian Syaf, Sang Komikus Batman "Jokowi" hingga X-Men "212" Halaman 2". KOMPAS.com (dalam Indonesian). Diakses tanggal 2020-01-26. 
  4. ↑ a b Khoiri, Agniya. "Ardian Syaf, Komikus Tulungagung Pemikat DC Comics dan Marvel". hiburan (dalam id-ID). Diakses tanggal 2020-01-18. 
  5. ↑ Andrall. "Kisah Ardian Syaf. Meski Sering Dikira Pengangguran, Ternyata Hasil Karyanya Sudah Diakui Dunia!". Hipwee (dalam id-ID). Diakses tanggal 2020-01-19. 
  6. ↑ Saputri, Maya. "Kisah Ardian Syaf Setelah Dipecat Marvel, Kebanjiran Tawaran". tirto.id (dalam Indonesian). Diakses tanggal 2020-01-26. 
  7. ↑ a b "Ardian Syaf On X-Men Gold Controversy: "My Career Is Over Now," "Good Bye, May God Bless You All"". Bleeding Cool News And Rumors (dalam en-US). Diakses tanggal 2020-01-26. 
  8. ↑ a b Inforiau. "Siapa Ardian Syaf, Sang Komikus Almaidah 51?". Inforiau (dalam Indonesian). Diakses tanggal 2020-01-26. 
  9. ↑ a b c Ginanjar, Ging (2017-04-09). "Mengapa komikus Indonésia menyusupkan Al Maidah dan aksi 212 di komik Marvel?" (dalam bahasa id). BBC News Indonesia. https://www.bbc.com/indonesia/majalah-39544592. Diakses pada 2020-01-26 
  10. ↑ brilio.net. "Curhatan sedih Ardian Syaf, komikus Marvel yang kini kariernya selesai". brilio.net. Diakses tanggal 2020-01-26. 
  11. ↑ Kean, Danuta (2017-04-11). "X-Men illustrator faces backlash over alleged anti-Christian messages" (dalam bahasa en-GB). The Guardian. ISSN 0261-3077. https://www.theguardian.com/books/2017/apr/11/x-men-illustrator-alleged-anti-christian-messages-marvel-ardian-syaf. Diakses pada 2020-01-26 
  12. ↑ Afrisia, Rizky Sekar. "Penyesalan Ardian Syaf, Komikus Simbol '212' di 'X-Men Gold'". hiburan (dalam id-ID). Diakses tanggal 2020-01-26. 
Dicomot ti "https://su.wikipedia.org/w/index.php?title=Ardian_Syaf&oldid=626812"