Asam asétat

Asam asétat, CH₃COOH, ogé katelah asam étanoat, nyaéta hiji asam organik nu méré rasa haseum jeung bau anu seukeut dina cuka. Dina bentukna anu murni tanpa cai (asam asétat glasial), ieu cairan teu warnaan téh nyerep cai ti sabudeureunana (higroskopi), bisa beku dina hawa 16.7 °C (62 °F) jadi bentuk kristalin. Ieu sanyawa kagolongkeun asam lemah, ngalaman disosiasi parsial dina cai.

Rumus wangun/struktur jeung modél 3D (bal jeung tongkat: bal bodas pikeun atom hidrogén, bal beureum pikeun atom oksigén, bal hawuk pikeun atom karbon) molekul asam asétat.

Asam asétat téh minangka asam karboksilat pangbasajanna, tapi penting minangka réagen di industri kimia, utamana pikeun ngahasilkeun poliétilén téréftalat nu dipaké pikeun nyieun botol inuman; selulosa asétat, utamana pikeun film fotografik; jeung polivinil asétat pikeun elém kai, serat sintétik, jeung kaén. Di industri pangan, asam asétat disandian E260 minangka régulator kaasaman.

Konsumsi asam asétat sajagat kira 6,5 juta ton per taun (Mt/a), nu 1,5 Mt/a di antarana tina hasil daur ulang; sésana dijieun di pétrokimia atawa tina sumber-sumber biologis. Asam asétat éncér nu dihasilkeun tina férméntasi alami disebutna cuka.

Kasalametan

Lambang kasalametan

Asam asétat pekat boga watek korosif, ku kituna kudu ati-ati sabab bisa ngaduruk kulit, ngaruksak panon, sarta iritasi kana mémbran mukosa. Mun baranggawé, hadéna maké sarung leungeun tina karét nitril. Dina hawa rohangan leuwih ti 39 °C (102 °F), asam asétat pekat bisa kaduruk.

Bahya ieu bahan kimia gumantung kana kadarna. Di handap ieu pituduh ti klasifikasi EU:

Konséntrasi dumasar beurat	Molaritas	Klasifikasi	Fraseu-R
10%–25%	1.67–4.16 mol/L	Iritan (Xi)	R36/38
25%–90%	4.16–14.99 mol/L	Korosif (C)	Citakan:R34
>90%	>14.99 mol/L	Korosif (C) Flamabel (F)	Citakan:R10, Citakan:R35

Larutan nu kadar asam asétatna leuwih ti 25% kudu diteundeun di kamar haseup, anapon anu éncér kawas dina cuka mah moal matak.

Nalika disimpen, ieu larutan kudu dijauhkeun ti asam kromat, étilén glikol, asam nitrat, asam perklorat, permanganat, peroksida, jeung hidroksil.

Baca ogé

Asam karboksilat, sanyawaan nu ngandung gugus fungsi –COOH
Asam lemak, asam karboksilat ranté lempeng
Anion asétat, CH₃COO⁻, dina basa Inggris diwancah AcO⁻
Gugus asétil, gugus CH₃-CO–, dina basa Inggris diwancah Ac
Asétil-koénzim A, pangakut asétil di jero sél
Natrium sitrat

Tumbu kaluar

Wikimedia Commons mibanda média séjénna nu patali jeung Acetic acid.

(en)International Chemical Safety Card 0363
(en)National Pollutant Inventory - Acetic acid fact sheet
(en)NIOSH Pocket Guide to Chemical Hazards
(en)Method for sampling and analysis
(en)29 CFR 1910.1000, Table Z-1 (US Permissible exposure limits)
(en)Mangpaat asam asétat dina Organic Syntheses
(en)pH jeung titrasi asam asétat - freeware for data analysis, simulation and distribution diagram generation
(en)Calculation of vapor pressure, liquid density, dynamic liquid viscosity, surface tension of acetic acid

Rujukan

Acetic acid

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.