Buka ménu utama

Dzongkha (རྫོང་ཁ་; Wylie: rdzong-kha, Jong-kă), sok disebut ogé Ngalopkha, nyaéta basa resmi Butan.[1] Kecap "dzongkha" hartina "basa (kha) anu dipaké di dzong". Dzong nyaéta biara anu rupana kawas bénténg anu raloba diwangun di Butan ku Shabdrung Ngawang Namgyal dina abad ka-17.

Dzongkha
Dzongkha-02.svg
Dipaké di Butan, Sikkim (India)
Jumlah panyatur 170.000 (2006)
Rungkun basa Sino-Tibet
Aksara Aksara Tibét
Status resmi
Basa resmi di Bandéra Butan Butan
Diatur ku Komisi Pamekaran Dzongkha
Kode-kode basa
ISO 639-1 dz
ISO 639-2 dzo
ISO 639-3 either:
dzo — Dzongkha
adp — Adap
Dzongkha native language districts.svg
Peta distrik di Butan di mana wewengkon anu urangna maké Basa Dzongkha salaku basa asli diwarnaan konéng.

PamakéanÉdit

Dzongkha sarta dialék-dialékna téh minangka basa asli di 8 distrik di Butan beulah kulon, nyaéta Phodrang, Punakha, Thimphu, Gasa, Paro, Ha, Dagana, jeung Chukha).[2] Aya ogé sababaraha panyatur Dzongkha di Kalimpong, India, anu baréto mangrupa bagian ti Butan, nanging kiwari asup kana Benggala Kulon, India. Pangajaran Dzongkha wajib di sadaya sakola di Butan. Basa Dzongkha mangrupa lingua franca di sababaraha distrik di Butan beulah kidul jeung wétan di mana basa ieu sanés basa asli masarakatna. Pilem Butan taun 2003, Travellers and Magicians, mangrupa salah sahiji conto pilem anu dimaénkeun dina basa Dzongkha.

PanulisanÉdit

Basa Dzongkha ilaharna ditulis dina Aksara Tibét vérsi Butan nu disebut Joyi (mgyogs yig) jeung Joshum (mgyogs tshugs ma). Buku-buku dina basa Dzongkha sacara husus dicitak dina Aksara Ucan.

Tingali ogéÉdit

RujukanÉdit

  1. "Constitution of the Kingdom of Bhutan. Art. 1, § 8" (PDF). Government of Bhutan. 2008-07-18. Diakses tanggal 2011-01-01. 
  2. George, Van Driem; Tshering of Gaselô, Karma (1998). Dzongkha. Languages of the Greater Himalayan Region I. Leiden, The Netherlands: Research CNWS, School of Asian, African, and Amerindian Studies, Leiden University. p. 3. ISBN 90-5789-002-X. 

PustakaÉdit

  • van Driem, George (2007). "Endangered Languages of Bhutan and Sikkim: South Bodish Languages". Di Moseley, Christopher. Encyclopedia of the World's Endangered Languages. Routledge. pp. 294–295. ISBN 0-7007-1197-X. 

Referensi ngeunaan DzongkhaÉdit

Tumbu kaluarÉdit