Basisir Haéundaé

Basisir Haéundaé nyaéta salah sahiji basisir nu aya di Busan, Koréa Kidul. Basisir Haéundaé bisa dijugjug ku perjalanan 40 menit ti stasion karéta utama Busan (di wewengkon puseur dayeuh), sarta kurang ti sajam ti Bandara Internasional Gimhaé. Kalayan panjang gurat basisir 12 km, ieu basisir mangrupa basisir pangkasohorna di Busan, katut Seogwipo, tur mangrupa basisir pangkasohorna ogé di Koréa Kidul. Alatan aksés nu gampang ti puseur dayeuh Busan, ieu basisir kacida raména sapanjang taun ku sababaraha rupa féstival basisir. lolobana nu daratang nyaéta urang doméstik. Dongbaékséom (Pulo Dongbaék), di tungtung kidul basisir, mangrupa wewengkon nu kasohor keur nguseup. Oryukdo (Pulo leutik Oryuk), nu mangrupa perlambang Busan keur urang Koréa, bisa katempo ti kajauhan ti Pulo Dongbaék. Salila bulan-bulan usum panas (ahir Juli tepi ka awal Agustus nalika lolobana urang Koréa pareré usum panas), basisir Haéundaé jadi kacida pagelek-gelekna jadi pinding manusa jajadian kalayan rébuan jalma katut parasol salanjang samil keusik. Nu daratang ka ieu basisir datang ti sakuliah Koréa Kidul, malahan mah ti saluareun Koréa. Haéundaé jadi tempatna lolobana populasi ékspatriat di Busan.

Basisir Haéundaé

Aya loba event budaya nu patali jeung basisir nu diayakeun di Haéundaé. Sabudeureun Geumjeongsan katut Dalmaji (Ngabagéakeun Bulan) Gogaé, Haéundaé mangrupa spot panggasohorna di Busan keur nempo meletékna srangéngé, kalayan sabudeureun 1000 urang nu ngumpul saméméh subuh. Ogé, salah sahiji event basisir nu kasohor diayakeun dina minggu kahiji bulan Januari nalika hawa sabudeureun 0 °C, "Kleub Biruang Kutub." Ieu event diayakeun saban taun di Choséon Béach Hotel saprak 1988. Salila pertandingan Piala Dunya FIFA 2006 antara Koréa Kidul jeung Togo leuwih ti 50.000 panongton minuhan basisir keur ngeprokan tim Koréa dina hiji layar proyéktor nu gedé. Nurimaru, basa Koréa pituin nu boga harti Nuri (Dunya) jeung Maru (Punclut) diwangun keur nyayagakeun KTT APEC (Asia pacific Economic Cooperation) ka-17 tangga 18-19 Nopémber 2005, minangka balé rembugan keur APEC. Ieu wangunan luhurna tilu tingkat sarta perenahna di tungtung Pulo Dongbaék. Wates Nurimaru dimodélan siga Séokguram, candi Buda di Gyeongju.

Rujukan

Artikel ngeunaan patempatan di Koréa Kidul ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.